ޓީއެމްއޭގެ ސިސްޓަމަށް ދިމާވި މައްސަލައަކާއި ގުޅިގެން އާ އަހަރާއި ދިމާކޮށް ރާއްޖެއަށް އަންނަ ފަތުރުވެރިންނަށް އުނދަގޫތަަށް ދިމާވެ ދަތުރުރަކަށް ބުރޫ އަރައިފިއެވެ.
މައްސަލަޖެހިފައިވަނީ ސީޕްލޭން ދަތުރުތަކަށް ޓީއެމްއޭއިން ބޭނުންކުރާ ސިސްޓަމްއަށް ކަމަށް މައުލޫމާތު ލިބެއެވެ. އެ ސިސްޓަމަށް ޖެހުނު މައްސަލައާއެކު ޗެކިންއަށް ދަތިތައް ކުރިމަތިވެ، އިންޓަނޭޝަނަލް ޓާމިނަލްގައި ވަނީ ކިއު ޖެހިފައެވެ.
އާއަހަރާއި ދިމާކޮށް ރާއްޖެއަށް ގިނަ އަދަދެއްގެ ފަތުރުވެރިން އަންނައިރު އޭގެ ތެރެއިން ގިނަ ފަތުރުވެރިން ރިސޯޓުތަކަށް ދަނީ ޓީއެމްއޭގެ ފްލައިޓުތައް މެދުވެރިކޮށެވެ.
ޓީއެމްއޭގައި ދަތުރުކުރާ ޓޫރިސްޓުން ޗެކިން ހަދަނީ އިންޓަނޭޝަނަލް ޓާމިނަލް އިން ނުކުމެ، ބޭރުގައި ހުންނަ ކައުންޓަރުތަކުންނެވެ.
ސިސްޓަމް ޑައުންވުމާއި ގުޅިގެން ފަތުރުވެރިން ގިނަ އިރުތަކެއް ވަންދެން ކިއުތަކުގައި ތިބެން ޖެހިފައިވާއިރު، މި މައްސަލައާއި ގުޅޭގޮތުން ޓީއެމްއޭއިން އެކަށީގެންވާ މައުލޫމާތުތައް ހިއްސާކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
