މޯލްޑިވްސް މާރކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) މެދުވެރިކޮށް ރ. ފުއްގިރި ދޫކުރުމުގެ މުއާމަލާތާއި ގުޅުވާ ކުރީގެ ރައީސް ޔާމީން އަބްދުލްގައްޔޫމުގެ މައްޗަށް އުފުލާފައިވާ ދައުވާތަކާއި ގުޅޭ ޝަރީއަތް ކުރިއަށް ގެންދިއުމަށް މާދަމާ ޔާމީން ޝަރީއަތަށް ހާޒިރުކުރަން ތާވަލު ކޮށްފިއެވެ.
އޮންލައިންކޮށް ބާއްވަން ހަމަޖެހިފައިވާ މި ޝަރީއަތް ތާވަލު ކޮށްފައި ވަނީ މާދަމާ ހެނދުނު 10:00 އަށެވެ.
އެމްއެމްޕީއާރުސީ މެދުވެރިކޮށް ރ. ފުއްގިރި ކުއްޔަށް ދޫކުރުމުގެ މުއާމަލާތާއި ގުޅިގެން ރައީސް ޔާމީންގެ މައްޗަށް ދެ ދައުވާއެއް އުފުލާފައިވާއިރު، އެ މައްސަލަ މަދަނީ މިންގަނޑުން ބެލުމަށް ކްރިމިނަލް ކޯޓުން ވަނީ ނިންމާފައެވެ. މިހާރުވެސް އެ މައްސަލަ ކޯޓުގައި އޮތް އިރު މައްސަލައިގެ އަޑުއެހުމެއް ނުބާއްވާތާ އަހަރެއްހާ ދުވަސް ވެއްޖެއެވެ.
މި މައްސަލާގައި ލ ރައީސް ޔާމީންގެ އިތުރުން، މއ.ކުރިކީލަހިޔާ އަހުމަދު ކްރިކް ރިޒާގެ މައްޗަށާއި، ސަން ކޮންސްޓްރަކްޝަން އެންޑް އިންޖިނިއަރިން އަދި ސަން އިންވެސްޓްމަންޓްގެ މައްޗަށްވެސް ދައުލަތުން ދައުވާ ކޮށްފައިވެއެވެ.
ޔާމީންގެ މައްޗަށް އުފުލާފައިވަނީ މަނީ ލޯންޑަރިންގެ ދައުވާ އަދި ރިޝްވަތު ގަބޫލުކުރުމުގެ ދައުވާ އެވެ. ރިޒާގެ މައްޗަށް ކުރަނީ މަނީ ލޯންޑަރިންގެ ދައުވާ އަދި ރިޝްވަތު ހިފުމުގައި މެދުވެރިއަކަށް ވުމުގެ ދައުވާ އެވެ. ސަންގެ ދެ ކުންފުނީގެ މައްޗަށް މަނީ ލޯންޑަރިންގެ ދައުވާ އުފުލާފައިވެ އެވެ.
Advertisement
This content is created and paid for by advertisers and does not involve Voice Journalists
