ސިޔާސީ ޕާޓީ ތަކަށް ވަނުމަށް ބޭނުންކުރަމުން ގެންދިޔަ ފޯމް ބަދަލުވުމާއެކު އިލެކްޝަންސް ކޮމިޝަނަށް ލިބޭ މެމްބަރޝިޕް ފޯމްގެ އަދަދު ބޮޑުތަނުން މަދުވެއްޖެ އެވެ.

އިލެކްޝަންސް ކޮމިޝަނުން އާއްމު ކޮށްފައިވާ ތަފާސް ހިސާބުތަށް ދައްކާގޮތުން ނިމިދިޔަ ޑިސެމްބަރު މަހުގެ 1 ވަނަ ދުވަހުން ފެށިގެން ސިޔާސީ ޕާޓީތަކުން އެކޮމިޝަނަށް ހުށަހަޅާފައިވާ ފޯމް 2021 ވަނަ އަހަރާއި އަޅާބަލާއިރު ވަނީ ބޮޑުތަނުން ދަށަށް ގޮސްފައެވެ.

އެގޮތުން 2021 ވަނަ އަހަރުގެ ޑިސެމްބަރު މަހު 22،398 ފޯމް އީސީ އަށް ހުށަހަޅާފައިވާއިރު، 2022 ވަނަ އަހަރުގެ ޑިސެމްބަރު މަހު ހުށަހަޅާފައިވަނީ 1،013 ފޯމެވެ.

ވަގަށް ޕާޓީ އަށް މެމްބަރުން ވެއްދުން މަދުކޮށް ސިޔާސީ ޕާޓީތަކުގައި ތިބި މެމްބަރުންގެ ސައްހަކަން އިތުރަށް މިދިޔަ ނޮވެންބަރ މަހު ތެރޭގައި ބަދަލު ތަކެއް ގެނެސްފައިވާއިރު، އެ ބަދަކުގެ ތެރެއިން، ފޯމްގައިވާ ފޯން ނަމްބަަރަށް އެސްއެމްއެސް ކުރުމާ އީސީގެ ވެބްސައިޓްގައި ފޯމްގެ މައުލޫމާތު ހިމަނައި ޝަކުވާ ހުށަހެޅުމަށް 7 ދުވަސް ދެވިގެންދާ ކަމަށް އެ ކޮމިޝަންގެ ނައިބު ރައީސް އިސްމާއިލް ހަބީބު ވިދާޅުވި އެވެ.