އެމްޑީޕީގެ ރިޔާސީ ޕްރައިމަރީގައި ތާއީދު ހޯއްދެވުމަށް އެ ޕާޓީގެ ރައީސް މުހައްމަދު ނަޝީދު ހިޔާ ސަރަހައްދަށް ވަޑައިގަތުމުން އެ ސަރަހައްދުގައި ދިރުއެޅޭ ރައްޔިތުން ނުރުހުން ފާޅުކޮށް އަޑުއުފުލަމުން ދިޔަ އަންހެނަކަށް ނަޝީދުގެ ސަޕޯޓަރެއް ހަމަލާދީފިއެވެ.

ނަޝީދު ހިޔާ ސަރަަހައްދަށް ވަޑައިގެންފައިވަނީ އެމްޑީޕީގެ ރިޔާސީ ޕްރައިމަރީގައި އެމަނިކުފާނަށް ތާއީދު ހޯއްދެމަށް ޚާއްސަ ހަރަކާތެއް ބޭއްވުމަށެވެ. 

އެހެން ނަމަވެސް އެމަނިކުފާނު އެ ސަރަހައްދަށް ވަޑައިގަތުމާއެކު ރައްޔިތުން ވަނީ ނުރުހުން ފާޅުކުރަން ފަށައިފައެވެ. އަދި ނަޝީދަށް މަރުހަބާ ނުކިޔާކަމަށް އެ ސަރަހައްދުގެ ރައްޔިތުން ވަނީ ބުނެފައެވެ. 

Advertisement

ނަޝީދާ ދެކޮޅަށް އަޑު އުފުލަނީ

މީގެ ކުރިން ނަޝީދު ހިޔާ ފްލެޓުތަކަށް މަލާމާތް ކުރަމުން ގެންދިޔަ ކަމަށާއި، ހިޔާ ފްލެޓުތަކުގައި ދިރުއުޅޭ ރައްޔިތުންގެ ހައްގުތައް ކަށަވަރުކޮށްދިނުމަށް އެއްވެސް އެހީތެރިކަމެއް ފޯރުކޮށްދީފައި ނުވާކަންވެސް އަޑުއުފުލަމުން ދިޔަ ބައިވެރިން ގެންދިޔައީ ފާހަގަކުރަމުން ނެވެ. 

ހިޔާ ސަރަހައްދުގައި ދިރިއުޅޭ ރައްޔިތުން އެ ޝުއޫރުތައް ފާޅުކުރަމުން ދިޔައީ ރައްޔިތުންގެ ޝުއޫރުތައް ލިޔެފައިވާ ބިލްބޯޑުތައް ހިފައިގެންނެވެ. 

އެއާއެކު އަޑުއުލަމުން ދިޔަ މީހުންގެ ތެރެއަށް ނަޝީދުގެ ސަޕޯޓަރެއް ވަދެ ވަނީ ހަމަނުޖެހުން ހިންގާފައެވެ. އެގޮތުން އެ ސަރަހައްދުގައި ނަޝީދާއު ދެކޮޅަށް ޝުއޫރު ފާޅުކުރަމުން ދިޔަ އަންހެން މީހެއްއަތުގައި އޮތް ބޯޑު އަތުލާ ހަމަނުޖެހުން ވަނީ ހިންގާފައެވެ. އަދި އޭނާ ބަނޑުގައި ޖަހާފައިވާކަމަށް އަންހެންމީހާ މައުލޫމާތުދެއެވެ. 

ނަޝީދާ ދެކޮޅައް އަޑުއުފުލަނީ

ނަޝީދުގެ ސަޕޯޓަރުން އެ ސަރަހައްދުގައި ހަމަނުޖެހުން ހިންގުމާއި ގުޅިގެން ފުލުހުންވަނީ އެ ސަރަހައްދަށް އައިސްފައެވެ. އަދި ހަމަނުޖެހުން ހިންގި މީހަކު ހައްޔަރުކޮށްފައެވެ. 

ހިޔާ ސަރަހައްދުގައި ނަޝީދު ކުރިއަށް ގެންދިޔަ ކެމްޕޭނު ހަރަކާތް ވަނީ ކުރުކޮށްލާފައެވެ. 

މީގެ ކުރިން ނަޝީދު މާލޭގައި ބޭއްވި ކެމްޕޭނު ޖަލްސާތަކަށް އެކަށީގެންވާ ތަރުހީބެއް ލިބިފައިވީ ނަމަވެސް ހިޔާ ސަރަހައްދަށް ނަޝީދު ވަޑައިގަތުމުން ރައްޔިތުން ވަނީ ނުރުހުން ފާޅުކޮށްފައެވެ.