ނައިފަރު އޯޕަން 2023 ބެޑްމިންޓަން މުބާރާތުގެ ކިޑްސް ޑްރޯގެ 15 އަހަރުން ދަށުގެ ސިންގަލް، އަންހެން ޗެންޕިއަންކަން އާމިނަތު ނަވްރާ ޝަރްވަތު އަދި ފިރިހެން ޗެންޕިއަންކަން އިބްރާހިމް ނާޝިތު ހަމްދީ މިއަދު ހޯދައިފިއެވެ.

މިއަދު ހަވީރު ނައިފަރުގައި ކުރިއަށް ދިޔަ ފައިނަލްގައި 15 އަހަރުން ދަށުގެ ސިންގަލް، އަންހެން ޗެންޕިއަންކަން އާމިނަތު ނަވްރާ ޝަރްވަތު ހޯދީ ފައިނަލުގައި ޝާނާ ޢަލީ ޢަބްދުއްރަޙްމާން އާއި ވާދަކުރި މެޗު ވާދަވެރި ކުޅުމަކަށް ފަހު 13/15 , 10/15 ން މެޗު ކާމިޔާބުކޮށްގެން ނެވެ.

15 އަހަރުން ދަށުގެ ސިންގަލް، އަންހެން ޗެންޕިއަން އާމިނަތު ނަވްރާ ޝަރްވަތު / ފޮޓޯ: އައި-ޝަޓަރ

މި އުމުރު ފުރައިގެ ފިރިހެން ޗެންޕިއަންކަން އިބްރާހިމް ނާޝިތު ހަމްދީ ހޯދީ ފައިނަލްގައި ޔޫނުސް ކައިފް މުޙައްމަދު އާއި ވާދަކުރި މެޗު ވާދަވެރި ކުޅުމަކަށް ފަހު 7/15 , 15,13 , 9/15 ން މެޗު ކާމިޔާބުކޮށްގެން ނެވެ.

15 އަހަރުން ދަށުގެ ސިންގަލްސް، ފިރިހެން ޗެންޕިއަން އިބްރާހިމް ނާޝިތު ހަމްދީ / ފޮޓޯ: އައި-ޝަޓަރ

120 ބައިވެރިންނާއި އެކު 2022 ޑިސެންބަރު 31 ވަނަ ދުވަހުން ފެށިގެން 2023 ޖެނުއަރީ 11 ގެ ނިއަލަށް ކުރިއަށްދާ މި މުބާރާތަކީ، ޅ.ނައިފަރުގެ އަމިއްލަ ޖަމިއްޔާ އެއް ކަމަށްވާ ބެޑްމިންޓަން އެކަޑަމީ އޮފް ނައިފަރުގެ ފަރާތުން އިންތިޒާމްކޮށްގެން މި އަހަރު އަލަށް ބާއްވަން ފެށި މުބާރާތެކެވެ.

15 އަހަރުން ދަށުގެ ސިންގަލް، އަންހެން އާމިނަތު ނަވްރާ ޝަރްވަތު(ކ) އާއި ޝާނާ ޢަލީ ޢަބްދުއްރަޙްމާން(ވ) / ފޮޓޯ: އައި-ޝަޓަރ

މި މުބާރާތުގެ މީޑިއާ ޕާޓްނަރަކަށް ވޮއިސް އެމްވީ ހަމަޖައްސާފައިވާއިރު، މުބާރާތުގެ މެއިން ސްޕޮންސަރ އަކީ މިނިސްޓްރީ އޮފް ޔޫތު ސްޕޯރޓްސް އެންޑް ކޮމިއުނިޓީ އެމްޕަވަރމަންޓް އެވެ. އަދި ކޯ ސްޕޮންސަރުންނަކީ ފާދިއްޕޮޅު ނައިފަރު ކައުންސިލްގެ އިދާރާ, ކޯރާ ކޯރާ މޯލްޑިވްސް އެވެ. މީގެ އިތުރުން މުބާރާތުގެ އިވެންޓް ޕާރޓްނާރސް ގޮތުގައި ފުޝިފަރު މޯލްޑިވްސް, ކޮކޫން މޯލްޑިވްސް, ބޭންކް އޮފް މޯލްޑިވްސް ހަމަޖައްސާފައިވާއިރު ސަޕޯރޓިންގ ޕާރޓްނާރސް އަކީ ކެފޭ ކެރިސްޕީ, ލޫލޭ, ވާވާ ގްރޫޕް, އަސްކަނި ސްޕޯރޓްސް, ޒުހަލް އެކްސްޕްރެސް, ބަޑީޒް ނެޓް އެވެ.