ގިރާވަރުފަޅު ތަރައްގީ ކުރުމަށް ނ އަތޮޅު ކޮމަންޑޫޣެ 22 ކޮމަންޑޫ ހިއްކޭނެހާ ޖާގައިގެ ފަޅެއް ވިއްކާލައިފިކަމަށް ވިދާޅުވެ ޕީއެންސީގެ ނައިބު ރައީސް އަދި ރައްޔިތުން މަޖިލީހުގެ މާވަށު ދާއިރާގެ މެންބަރު މުހައްމަދު ސައީދު ސަރުކާރަށް ފާޑުވިދާޅުވެއްޖެއެވެ.
ސައީދު މިފަދައިން ވިދާޅުވެފައިވަނީ މަދު ލާރިކޮޅަކަށް ނ އަތޮޅުން ބޮޑު ފަޅެއް ވިއްކާލަން ސަރުކާރުން އުޅޭކަން ފާހަގަކުރައްވާ ކުރެއްވި ޓްވީޓެއްގައެވެ. އެކަން ކުރަން ސަރުކާރުން ނިންމިކަން އަތޮޅުގެ ކައުންސިލަށް އެނގޭތޯ އައްސަވާ ސުވާލުކުރައްވާފަ އެވެ.
އެގޮތުން ސައީދު ވިދާޅުވީ 99 އަހަރަށް ބޮޑު ފަޅެއް ވިއްކާލަން އުޅެނީ އެންމެ 22 މިލިއަން ޑޮލަރަށް ކަމަށެވެ.
ސައީދު މިފަދައިން ވިދާޅުވެފައިވާއިރު ގިރާވަރު ފަޅު ހިއްކައިގެން އެ ތަނުން ގޯތި ދިނުމަކީ ރައީސް ޞާލިހްގެ ވައުދުފުޅެއް ކަމށާއި އެ ވައުދު ފުއްދަން ގިރާވަރު ފަޅުގައި "ރެސިޑެންޝަލް ސިޓީއެއް" އެއް ހަދަން ރައީސް ގަރާރެއް ނެރުއްވާ އެ މަޝްރޫއުއަށް އިންވެސްޓް ކުރެވޭނެ އެންމެ ދަށް އަގަކީ ފަސް މިލިއަން ޑޮލަރު ނުވަތަ 77 މިލިއަން ރުފިޔާ ކަމަށް ކަނޑައަޅުއްވާފައެވެ.
ގިރާވަރުފަޅު ތަރައްގީ ކުރަން ފައިސާ ހޯދުމަށް ނ އަތޮޅު ދެކެނަންފަރާއި އެރަށާޖެހިގެން އޮތް ފަޅުރަށް ވިއްކާލައިފާވާކަމަށް މައުލޫމާތު ލިބެއެވެ.
Advertisement
This content is created and paid for by advertisers and does not involve Voice Journalists
