ކޮވިޑްގެ ޢާލަމީ ވަބާ ދުނިޔެއަށް ކުރިމަތިވުމުގެ ކުރިއެކޭވެސް އެއްފަދައިން މިއަހަރުގެ ޙައްޖުގައި ފުރުސަތު ދޭނެކަން ސައުދީ ޢަރަބިއްޔާގެ ޙައްޖާއި ޢުމްރާއާ ބެހޭ ވުޒާރާއިން އިޢުލާންކޮށްފިއެވެ.

އިއްޔެ ޖިއްދާގައި ޙައްޖާޖީންނަށާއި ޢުމްރާވެރީންނަށް ދޭންޖެހޭ ޚިދްމަތްތަކާ ބެހޭގޮތުން ބޭއްވުނު "ޙައްޖު އެކްސްޕޯ" ސިންތާގައި ވާހަކަދައްކަވަމުން ސަޢުދީ އަރަބިއްޔާގެ ޙައްޖާއި ޢުމްރާއާބެހޭ ވަޒީރު ތައުފީޤުއް ރަބީޢަތި ވިދާޅުވި ގޮތުގައި މި އަހަރުގެ ޙައްޖު އޮންނާނީ ކޮވިޑް 19 ގެ ކުރީގެ ޙާލަތާ އެއްގޮތަށް ޢުމުރުގެ އެއްވެސް ޤައިދެއް ނެތިއެވެ.

ކޮވިޑް  ކޮންޓްރޯލްކުރުމަށްޓަކައި އެޅި ވަރުގަދަ ފިޔަވަޅުތަކާއެކު އެ އަހަރުގެ ހައްޖުގައި ބައިވެރިކުރުވީ އެންމެ 10،000 މީހުންނެވެ.

Advertisement

އެއަށްފަހު ކޮވިޑާއި ގުޅިގެން އެޅި ފިޔަވަޅުތަކަށް ލުއި ދިނުމަށްފަހު މިދިޔަ އަހަރު ސައުދީން ވަނީ އެއްމިލިއަން މީހުންނަށް ހައްޖު ކޯޓާ ދޫކޮށްފަ އެވެ.

އޭގެ ތެރެއިން 850,000 ފުރުސަތު ހާއްސަކޮށްފައިވަނީ ބޭރު ގައުމުތަކުގެ މީހުންނަށެވެ. ސައުދީ ރައްޔިތުންނަށް ކަނޑައަޅައިފައި ވަނީ 150،000 ކޯޓާއެވެ. އަދި ރާއްޖެއަށް ދޫކޮށްފައި ވަނީ، 453 ކޯޓާއެވެ.