އެމްޓީސީސީއިން ކ. ތިލަފުށީގެ ބޯޓް ޔާޑުގައި އެމަޖެންސީ ޑްރިލްއެއް ހިންގަން ނިންމައިފިއެވެ.
އެމްޓީސީސީން ބުނީ މިއަދު މެންދުރު 12:00 އިން އިރުއޮއްސި 18:00 އަށް އެމަޖެންސީ އެކްސަސައިޒްއެއް ހިންގުމަށް ހަމަޖެހިފައިވާ ކަމަށެވެ.
އަދި މި އެކްސަސައިޒަކީ ކުއްލި ހާލަތުގައި އެ ކުންފުނީގެ ސަލާމަތީ އަދި ތައްޔާރީ ކަންކަން އިތުރަށް ހަރުދަނާކުރުމުގެ ގޮތުން ކުރިއަށް ގެންދާ އެމަޖެންސީ އެކްސަސައިޒެއް ކަމަށް އެ ކުންފުނިން ބުނެއެވެ.
އެމްޓީސީސީ އިން ބުނީ އެ ވަގުތު ބޯޓު ޔާޑުގައި ހުރިހާ މުވައްޒަފުން އެ ތަނުން ނެރެ ރައްކާތެރި ސަރަހައްދަކަށް ގެންގޮސް މުޅި ބޯޓް ޔާޑް ހުސްކުރާނެ ކަމަށެވެ.
މި އެކްސަސައިޒް ކުރަން ނިންމާފައިވައިވާ ސަރަހައްދަކީ އިންޑަސްޓްރިއަލް ޒޯންއަށް ވުމުން އެ ސަރަހައްދުން ކޮށްފާނެ ދުމުގެ އަސަރަށް ސަމާލުވުމަށް އެމްޓީސީސީން އިއުތިމާސް ކޮށްފައިވެއެވެ.
ދުމުގެ އަސަރުކުރާނެތީ ދޮރުތަތައް ލެއްޕުމާއެކު ލޮލާއި، ނޭފަތާއި އަނގަ ރަނގަޅަށް ނިވާ ކުރުމަށްވެސް ނަސޭހަތްތެރިވެފައިވެއެވެ. މި ކަމުގެ ސަބަބުން ދިމާވެދާނެ ދަތިތަކަށް އެކުންފުނިން މާފަށް އެދިފައިވެއެވެ.
Advertisement
This content is created and paid for by advertisers and does not involve Voice Journalists
