ފައިގެތަޅާ ފޯރޯގެ ނަމުގައި ބާއްވާ، ފައިގެތަޅާގެ ދެވަނަ މުބާރާތުގައި ބައިވެރިވާން ފުރުސަތު ހުޅުވާލައިފިއެވެ.

ޔުނިކްސް ސްޕޯރޓިންގ އާއި ކޮރޮސްއޯވަރ އިވެންޓްސް ގުޅިގެން ބާއްވާ މި މުބާރާތް އޮންނާނޯ ހުޅުމާލޭ ފުރަތަމަ ފިޔަވަހީގެ ރުއްގަނޑު 2 ގައެވެ.

މުބާރާތުގެ މެޗްތައް ކުޅެވޭނީ ހަވީރު އަދި ރޭގަނޑުއެވެ.

މުބާރާތުގައި ބައިވެރި ވުމުގެ ފުރުސަތު މި މަހުގެ 20 ވަނަ ދުވަހުގެ ނިޔަލަށް ހުޅުވާލާފައި ވާއިރު، ޕްރެކްޓިސް ކުރުމަށްޓަކައި ޓީމްތަކަށް ޕިޗް ދޫކުރުމަށް ހަމަޖެހިފައި ވަނީ މި މަހުގެ 20 ވަނަ ދުވަހުން ފެށިގެންނެވެ.

މުބާރާތުގައި ބައިވެރިވާން ބޭނުންވާ ޓީމް ތަކަށް އެ ފުރުސަތު ހުޅުވާލާފައި ވާއިރު، ކޮންމެ ޓީމެއްގައި 12 ކުޅުންތެރިން ހިމަނަން ޖެހެއެވެ.

މި މުބާރާތުގެ އަންހެން އަދި ފިރިހެން ޗެމްޕިއަން ޓީމަށް 15 ހާސްރުފިޔާ ހުށަހަޅާފައި ވާއިރު، އަންހެން އަދި ފިރިހެން ރަނާސް އަޕް ޓީމަށް ހުށަހަޅާފައި ވަނީ ހަތް ހާސް ރުފިޔާއެވެ. އަދި ދެބައި އެއްކޮށް އެންމެ މޮޅު 5 ކުޅުންތެރިން ހޮވުމަށް ހަމަޖެހިފައިވެއެވެ.

ސައިބްރޫ، މުލަ މޯލްޑިވްސްއާއި ހުޅުމާލެ ޑިވެލޮޕްމަންޓް ކޯޕަރޭޝަނުން ސްޕޮންސަރ ކުރާ މި މުބާރާތުގައި ބައިވެރިވާން ހުޅުވާލާފައި ވާއިރު، މުބާރާތާ ގުޅޭ އިތުރު މައުލޫމާތު 7388536 ނަންބަރުން ލިބޭނެއެވެ.