ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް އައްޑޫސިޓީ ކައުންސިލް އާއި އަންހެނުންގެ ތަރައްގީއަށް މަސައްކަތްކުރާ ކޮމިޓީ އާއި ބައްދަލު ކުރައްވައިފިއެވެ.

މިބައްދަލުވުމުގައި މިނިސްޓަރުންގެ އިތުރުން ރައްޔިތުންގެ މަޖިލީހުގެ އައްޑޫ ސިޓީ މެމްބަރުންނާއި އައްޑޫސިޓީ ކައުންސިލްގެ ސީނިއާ މެނޭޖްމަންޓް ޓީމުންވަނީ ބައިވެރިވެވަޑައިގެންފައެވެ.

މިބައްދަލުވުމުގައި އައްޑުސިޓީގެ ތަރައްޤީއަށް ކުރެވެމުންދާ މަސައްކަތްތަކާއި، ޙިދުމަތްތައް ދިނުމުގައި މިހާރު ހުރި ގޮންޖެހުންތަކާއި، އައްޑޫސިޓީ ތަރައްްްްްްޤީ ކުރުމަށް ބޭނުންވާ އެހެނިހެން ކަންތައްތަކާއި ގުޅޭގޮތުން ކައުންސިލަރުންވަނީ ރައީސުލްޖުމްހޫރިއްޔާ އަދި މިނިސްޓަރުންނާއި މަޢުލޫމާތު ހިއްސާކުރައްވާފައި ވެއެވެ.

Advertisement

ރައީސް އައްޑު އަށް ކުރައްވާ މިދަތުރު ފުޅުގައި ފޭދޫ ސްކޫލުގެ 50 ވަނަ އަހަރީ ދުވަހުގެ ޖަލްސާގައި ބައިވެރިވެވަޑައިގަތުމަށާއި ފުލުހުންގެ 34 ވަނަ ޕޮލިސް އިނިޝިއަލް ޓްރެއިނިން ކޯހުގެ ދަސްވެނިމުގެ ރަސްމިއްޔާތުގައި ބައިވެރިވެވަޑައިގަންނަވާނެއެވެ.

އައްޑޫ ސިޓީގެ މި ރަސްމީ ދަތުރުފުޅަށްފަހު، ހުކުރު ދުވަހު އެމްޑީޕީގެ ރިޔާސީ ޕްރައިމަރީގެ ކެންޕެއިންވެސް އެމަނިކުފާނު އައްޑޫގައި ފައްޓަވާނެއެވެ.

އައްޑޫގައި ރައީސް ވަނީ ޑޯޓުޑޯއަށް ހިންގަވައި ރައްޔިތުންނާ ބައްދަލު ކުރައްވާފައެވެ.

އެގޮތުން، ރައްޔިތުންނާ ބައްދަލު ކުރައްވައި އެމަނިކުފާނު ދެއްކެވި ވާހަކަފުޅުގައި، އައްޑޫ ސިޓީގެ ތާއީދު ބޭނުންވަނީ ހަމައެކަނި އައްޑޫ ތަރައްގީކުރަން ނޫން ކަމަށާއި މުޅި ރާއްޖެ ތަރައްގީކުރުމަށް އައްޑޫ ސިޓީގެ ރައްޔިތުންގެ ތާއީދު ބޭނުންވާ ކަމަށް ވިދާޅުވިއެވެ.