މުދަލު ޒަކާތުގެ ގޮތުގައި މިދިޔަ އަހަރު ދައުލަތަށް 91.53 މިލިއަން ރުފިޔާ ލިބިފައިވާކަމަށް މީރާގެ ތަފާސް ހިސާބުތަކުން ހާމަވެއްޖެ އެވެ.
މީރާ އާންމު ކުރި ތަފާސް ހިސާބުން ދައްކާ ގޮތުގައި 2022 ވަނަ އަހަރުގެ ނިޔަލަށް މުދަލު ޒަކާތުގެ ގޮތުގައި 91.53 މިލިއަން ރުފިޔާވަނީ ހޯދައިފައެވެ. އެއީ 2021 ވަނަ އަހަރަށް ވުރެ 20 ހާސް ރުފިޔާގެ އިތުރު އަދަދެކެވެ.
މުދަލު ޒަކާތުގެ ނިސާބަކީ 5777.45 ރުފިޔާ އެވެ. އަދި ނިސާބު އެންމެ ފަހުން އިސްލާމިކް މިނިސްޓްރީން ބަދަލުކޮށްފައިވަނީ 2022 ވަނަ އަހަރުގެ ސެޕްޓެމްބަރު މަހުގައެވެ.
މީރާގެ އޮންލައިން ޕްލެޓްފޯމްތައް މެދުވެރިކޮށް ވެސް އަދި މީރާއަށް ގޮސްގެން ވެސް މުދަލުގެ ޒަކާތް ދެއްކޭނެއެވެ.
މުދަލު ޒަކާތް ކުރިން ދައްކަނީ އިސްލާމިކް މިނިސްޓްރީއަށެވެ. ނަމަވެސް 2016 ވަނަ އަހަރުން ފެށިގެން މުދަލު ޒަކާތް ބަލައިގަތުން ވަނީ މީރާ އަށް ބަދަލުކޮށްފައެވެ.
ޒަކާތަކީ އިސްލާމް ދީނުގެ ރުކުންތަކުގެ ތެރެއިން ރުކުނެކެވެ. އެގޮތުން އެއް އަަހަރު ފުރޭ އިރު ނިސޯބާއި އެއްވަރަށް މުދާ އެއްކުރެވިފައިވާނަމަ ކޮންމެ މުސްލިމަކަށް ޒަކާތް ދިނުން ލާޒިމްވާނެ އެވެ.
Advertisement
This content is created and paid for by advertisers and does not involve Voice Journalists
