ބައެއް ދާއިރާތަކުގައި ހުސްވެފައިވާ ޕީޕީއެމްގެ މަގާމުތަކަށް ކުރިމަތިލުމުގެ ފުރުސަތު އެ ޕާޓީއިން ހުޅުވާލައިފިއެވެ. 

އިދިކޮޅުން ކުރި އިއުލާނެއްގައި ބުނެފައިވަނީ އެ ކޯލިޝަންގެ ދާއިރާ ނައިބު ރައީސުންނާއި، އަންހެނުންގެ ހަރަކާތުގެ ރަށުގެ ރައީސް އާއި ޒުވާނުންގެ ހަރަކާތުގެ ރަށުގެ ރައީސްގެ މަގާމަށް މެންބަރުން އިންތިހާބުވެފައި ނުވާ ދާއިރާތަކާއި ރަށްރަށަށް މެންބަރުން އިންތިހާބު ކުރުމަށް ބާއްވާ އިންތިހާބު މި މަހުގެ 31 ވަނަ ދުވަހުގެ މެންދުރުފަހު 2:00 އިން އިރުއޮއްސި 6:00 އަށް ބާއްވާ ގޮތަށް ނިންމާފައިވާކަމަށެވެ.

އެ މަގާމުތަކަށް ކުރިމަތިލުމުގެ ފުރުސަތު މި މަހުގެ 18 އިން 23 ވަނަ ދުވަހުގެ ހަވީރު 3:00 އާ ހަމަޔަށް ހުޅުވާލެވިފައިވާކަމަށް އިދިކޮޅުން ވަނީ ބުނެފައެވެ. 

މި އިންތިޚާބުގައި ބައިވެރިވާން ބޭނުންވާ ފަރާތްތައް އިންތިޚާބަށް ކުރިމަތިލުމަށް އެދޭ ފޯމާއި، އެ ފޯމާއި އެކު ހުށައަޅަން ޖެހޭ ލިޔުންތަކުގެ އިތުރުން އަލަށް ޕާޓީއަށް ވަނުމަށް ފުރާފައިވާ 25 ފޯމު ހުށައަޅަން ޖެހޭނެއެވެ. އަދި މެމްބަރުންގެ ފޯމާއެކު 1000 ރުފިޔާގެ ފީއެއް ދައްކަން ޖެހޭނެކަމަށް އިދިކޮޅުގެ އިއުލާނުގައި ވަނީ ބަޔާންކޮށްފަ އެވެ. 

އިިދިކޮޅުން ބުނީ އެ މަގާމުތަކަށް ކުރިމަތިލުމަށް އެދި ހުށައަޅާ ފޯމުތައް ބަލައިގަތުމަށް ހަމަޖެހިފައިވަނީ ހުކުރު ދަވަސް ފިޔަވައި ކޮންމެ ދުވަހެއް ހެނދުނު 11:00 އިން ހަވީރު 4:00 އަށް އަދި ރޭގަނޑު 8:00 އިން 22:30 އަށެވެ.

ފޯމު ހުށަހަޅަންޖެހެނީ އެ ކޯލިޝަންގެ މައި އިދާރާއަށް ނުވަތަ [email protected] އަށް މެއިލްކޮށްގެންނެވެ.