ސްޓޭޓް އިލެކްޓްރިކް ކޮންޕެނީ ލިމިޓެޑް (ސްޓެލްކޯ) އިން އދ. ދަނގެތީގެ ރައްޔިތުންނަށް ބޯފެން ލިބުމަށް ކުރިމަތިވެފައިވާ ދަތިތަކަށް ހައްލު ހޯދާދިނުމުގެ ގޮތުން ވަގުތީ އިސްކުރުބަރިއެއް މެދުވެރިކޮށް، ދަނގެތީގައި ގާއިމްކޮށްފައިވާ ފެން ޕްލާންޓުން އާންމު ބޭނުންތަކަށް ފެން ދޫކުރަން ފަށައިފިއެވެ.
ދަނގެތި ރައްޔިތުންގެ އެދުމަށް ސްޓެލްކޯ އިން ހަރުކޮށްފައިވާ ދިހަ އިސްކުރު މެދުވެރިކޮށް ފެނުގެ ޙިދުމަތް ދިނުމަށް ހަމަޖެހިފައި ވަނީ ހެނދުނު ހަތަކުން ދިހަ އަކަށެވެ. އަދި ހަވީރު ހަތަރަކުން ރޭގަނޑު ހަޔަކަށެވެ. މި ޙިދުމަތަށް ރައްޔިތުންގެ އަތުން ފީއެއް ނުނެގޭނެއެވެ.
ދަނގެއްޗަކީ އިރުވައި މޫސުމުގައި އާންމު ގޮތެއްގައި ފެނަށްޖެހޭ ރަށެކެވެ. އަދި ދަނގެތީގެ ބައެއް ސަރަހައްދުތަކުން ފެން ލޮނުވުމާއި ފެނުން ނުބައިވަސް ދުވުމުގެ މައްސަލައާޢި ރައްޔިތުން ކުރިމަތިލާން ޖެހެއެވެ. މިކަން ހައްލު ކުރުމަށް ޓަކައި ކުރީގެ ސަރުކާރުން ފެނުގެ ޙިދުމަތް ޤާއިމް ކުރިއެވެ.
ނަމަވެސް ފެނުގެ ޙިދުމަތްް ނިންމާ ޓެސްޓް ކުރުމަށް ފެން ދޫކުރުމުން މައި ހޮޅިން ފެން ލީކުވެ އެހޮޅި ފަޅާން ދިޔުމުގެ މައްސަލައާއި ކުރިމަތިލާން ޖެހުނެވެ. އަދި މިކަމުގެ ސަބަބުން މިއަދާއި ހަމައަށްވެސް ރައްޔިތުުންނަށް ވަނީ މި ޙިދުމަތުުގެ ބޭނުން ނުކުރެވިފައެވެ.
Advertisement
This content is created and paid for by advertisers and does not involve Voice Journalists
