މިހާރު ކުރިއަށްދާ އެމްޑީޕީގެ ރިޔާސީ ޕްރައިމަރީ، ކުރީގެ ރަައީސް އަދި އެމްޑީޕީގެ ރައީސް މުހައްމަދު ނަޝީދު ކާމިޔާބު ކުރައްވާފައިވާ ކަމަށް އެ މަނިކުފާނުގެ ކެމްޕެއިން ޓީމުން އިއުލާނު ކޮށްފި އެވެ.
ރައީސް ނަޝީދުގެ ކެމްޕެއިން ޓުވިޓާ އެކައުންޓް "ފިކުރެއްގެ ދިރުން" އިން ކޮށްފައިވާ ޓްވީޓެއްގައި ބުނީ، އެގްޒިޓް ޕޯލްތަކުން ދައްކާ ގޮތުން 64.7 ޕަސެންޓް ވޯޓާއެކު ކުރީގައި އުޅުއްވަނީ ރައީސް ނަޝީދު ކަމަށެވެ.
އަދި އެކަން ހާމަ ކުރައްވައި ނަޝީދުގެ ކެންޕެއިން ގައި އިސްކޮށް ހަރަކާތްތެރިވާ ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވެސް ކުރެއްވި ޓްވީޓެއްގައި އޭނާ ވަނީ ރައީސް ނަޝީދަށް އިންތިހާބު ކާމިޔާބު ވެއްޖެ ކަމަށް ވިދާޅުވެފައެވެ.
ރައީސް ނަޝީދު ގެ ޓީމުން މިފަދައިން އިއުލާން ކުރެއްވި ނަމަވެސް އެކި މައްސަލަތަކާއި ގުޅިގެން މަދު ވޯޓް ފޮއްޓެއް ނޫނީ ވޯޓު ފޮށިތައް ބަންދުކުރަން ނިންމި ގަޑި، 5:00 ޖެހިއިރު ބަންދު ކުރެއްވިފައެއް ނުވެއެވެ. އަދި މިހާތަނަށް އެއްވެސް ވޯޓު ފޮށްޓެއްގެ ނަތީޖާ އިއުލާނެއްވެސް ނުކުރެއެވެ.
މި އިންތިހާބުގައި ރައީސް ނަޝީދާއި ވާދަކުރައްވަނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހެވެ. ޕްރައިމަރީ ގައި ވޯޓުލުމަށްފަހު މިއަދު ނޫސްވެރިންނާއި ބައްދަލުކުރައްވައި ވާހަކަ ދައްކަވަމުންވެސް އެމަނިކުފާނު ވަނީ ބޮޑުތަނުން ޕްރައިމަރީ ކާމިޔާބު ކުރައްވާނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
