އދ. އަތޮޅުގައި އޮންނަ މާފުށިވަރު ރިސޯޓު ކައިރިއަށް ސްނޯކްލިންއަށް ގޮސް އުޅެނިކޮށް މިއަދު ނިޔާވި ނިޝާހު އަބްދުލްޣަފޫރަށް މޯލްޑިވްސް ސްކައުޓް އެސޯސިއޭޝަނުން ތައުޒިޔާ ކިޔައިފި އެވެ.
ނިޝާހަށް ތައުޒިޔާ ކިޔައި ސްކައުޓްސް އެސޯސިއޭޝަނުން ނެރުނު ބަޔާނެެއްގައި ބުނެފައިވަނީ ނިޝާޙު ނިޔާވި ޚަބަރު އެ އެސޯސިއޭޝަނުން އެހީ ނުހަނު ފުން ހިތާމައާއި އެކުގައެވެ.
ނިޝާޙު އަބްދުލްޣަފޫރަކީ 2018 ނޮވެމްބަރު 18 ގައި ރ. އުނގޫފާރުގައި މޫދަށް އެރިއުޅުނު ކުއްޖަކު ގެނބުނު ހިތާމަވެރި ހާދިސާގައި، އެ ކުއްޖާގެ ފުރާނަ ސަލާމަތްކުރުމުގައި ނަމޫނާ ހިތްވަރުދެއްކި ކުޅަދާނަ ސްކައުޓެއްކަމަށް ސްކައުޓްސް އެސޯސިއޭޝަނުން ވަނީ ބުނެފައެވެ.
އޭގެ އިތުރުން ނިޝާހުގެ އެ މަތިވެރި ކެރުންތެރިކަމާއި ނުގުޑާފަދަ އަޒުމުވަރުގަދަ އަމަލުގެ ސަބަބުން ސްކައުޓްސް އެސޯސިއޭޝަނުން ދޭ ގެލެންޓަރީ ރަން މެޑަލު ލިބިފައިވާ ޒުވާނެއްކަންވެސް އެ އެސޯސިއޭޝަނުން ވަނީ ފާހަގަކޮށްފަ އެވެ.
ސްކައުޓްސް އެސޯސިއޭޝަނުން ބުނީ ނިޝާޙުގެ އެ ހިތްވަރުގަދަ އަމަލަކީ ކޮންމެ ސްކައުޓަކަށްވެސް މަތިވެރި ނަމޫނާއެއްކަމަށެވެ.
މާތްﷲ ނިޝާޙުގެ ފާފަ ފުއްސަވާ ސުވަރުގޭގެ ދާއިމީ ނިއުމަތް ލެެއްވުމަށް ދުއާކުރާކަމަށާއި، މި ހިތާމަ ތަހަންމަލް ކުރުމުގެ ކެތްތެރިކަން އާއިލާއަށް ދެއްވުމަށް ދުއާކުރާކަމަށް ސްކައުޓްސް އެސޯސިއޭޝަނުން ވަނީ ބުނެފައެވެ. އަދި ިޝާޙުގެ ނަޖާޒާގައި ވީހާވެސް ގިނަ ސްކައުޓުން ބައިވެރިވުމަށް އެ އެސޯސިއޭޝަނުން ވަނީ އެދިލައްވާފަ އެވެ.
Advertisement
This content is created and paid for by advertisers and does not involve Voice Journalists
