ޕާކިސްތާނުގެ ޕެޝާވަރްގައި ހުންނަ މިސްކިތެއްގައި އެއްޗެއް ގޮވައި 59 މީހަކު މަރުވެއްޖެއެވެ.
ޕެޝާވަރް ގައި ހުންނަ ލޭޑީ ރީޑިންގ ހޮސްޕިޓަލުގެ ސްޕޯކްސްޕާސަން މުހައްމަދް ޢާސިމް އަލްޖަޒީރާ އަށް މައުލޫމާތު ދެމުން ބުނި ކަމަށް އެ ނޫހުގައި ރިޕޯޓު ކޮށްފައިވަނީ މި ހާދިސާގައި 59 މީހަކު މަރުވިކަމަށާއި 157 މީހަކަށް އެކިވަރުގެ އަނިޔާތައް ލިބިފައިވާ ކަމަށެވެ.
ޕޮލިސް އޮފިޝަލެއް ކަމަށް ވާ ސިއްދީޤް ޚާން ވިދާޅުވީ ހަމަލާދިން މީހަ ހަމަލާ ދީފައިވަނީ ނަމާދު ކުރަން ތިބި މީހުންގެ ތެރެއަށް ވަދެ ޖާނުންފިދާ ވެގެންކަމަށެވެ. އަދި މަރުވި މީހުންގެ ތެރެއިން 27 މީހުންނަކީ ޕޮލިސް އޮފިސަރުން ކަމަށް ވެސް އޭނާ ވިދާޅުވިއެވެ.
ހާދިސާ ހިނގިތާ ކުޑަ އިރުކޮޅެއްގެ ތެރޭގައި ތަހްރީކޭ އެ ޠާލިބާން ޕާކިސްތާނުން ވަނީ ހަމަލާ ގެ ޒިންމާ އަމިއްލައަށް ނަގައިފައެވެ. ނަމަވެސް ފަހުން އެ ޖަމާއަތުން ވަނީ ސްޓޭޓްމަންޓް ބަދަލުކޮށްފައެވެ.
އެގޮތުން ޓީޓީޕީ ގެ ސްޕޯކްސްޕާސަން މުހައްމަދް ޚުރާސާނީ ބުނެފައިވަނީ މިސްކިތްތަކަށް ހަމަލާ ދިނުމަކީ އެ ޖަމާޢަތުގެ އުސޫލެއް ނޫންކަމަށާއި، ސެމިނާ ތަކާއި ދީނީ އެއްވުން ތަކަށް ހަމަލާދިނުމަކީ ވެސް އެ ޖަމާޢަތުގެ އުސޫލާއި ޚިލާފު ކަމެއް ކަމަށެވެ. އެ ސްޓޭޓްމަންޓްގައި ކުރިން އެ ހަމަލާގެ ޒިންމާ އެޖަމާޢަތުން ނެގި ސަބަބެއް ހާމަ ކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
