ކީރިތި ޤުރުއާނަށް އިހާނެތިކޮށް ހިތައި ޤުރުއާން މުސްޙަފް އަންދަމުންދާތީ އެކަމުގެ ޖަވާބެއްގެ ގޮތުން މެލޭޝިޔާއިން އެއް ބިލިއަން މުސްޙަފް ބެހާނެ ކަމަށް މެލޭޝިޔާގެ ބޮޑު ވަޒީރު އަންވަރު އިބްރާހިމް ވިދާޅުވެއްޖެއެވެ.

މެލޭޝިޔާއިން ވަރަށް އަވަހަށް ކީރިތި ޤުރުއާނުގެ އެއް ބިލިއަން މުޅި ދުނިޔޭގައި ބަހާނެ ކަމަށް އެ ޤައުމުގެ ބޮޑުވަޒީރު އަންވަރު ވަނީ ވިދާޅުވެފައެވެ. އަދި މި ކަމަކީ ސްވިޑަން އިން ކީރިތި ޤުރުއާން އަންދަމުންދާތީ އެކަމުގެ ޖަވާބެއްގެ ގޮތުން ކުރާކަމެއް ކަމަށްވެސް އަންވަރު ވަނީ ވިދާޅުވެފައެވެ.

އަންވަރު ވިދާޅުވީ ސްވިޑަންގެ ކަނާތު ފިޔައިގެ ސްވިޑިޝް ޑެނިޝް ޕޮލިޓީޝަނެއް ކަމަށްވާ ރަސްމުސް ޕަލުދާންގެ ހައްދުފަހަނައަޅައިފައިވާ ޢަމަލު މެލޭޝިޔާ އިން ކުށްވެރިކުރައްވާ ކަމަށެވެ. އަދި އެ ޢަމަލަށް ދެވޭނެ އެންމެ ފުރިހަމަ އަދި އެންމެ ބޭނުންތެރި ރައްދަކަށް ވާނީ މުޅު ދުނިޔެއަށް ކީރިތި ޤުރުއާން މުސްޙަފް ފޯރުކޮށްދިނުން ކަމަށެވެ.

Advertisement

އަންވަރު ވިދާޅުވީ މުސްލިމް އެހެން ޤައުމުތަކުންވެސް ކީރިތި ޤުރުއާން މުޅި ދުނިޔެއަށް ފޯރުކޮށްދިނުމަށް އިލްތިމާސް ކުރައްވާކަމަށެވެ.

ސްވިޑަން ގެ ކަނާތު ފިޔައިގެ ޕާޓީ ސްޓްރަމް ކުރުސް ގެ ލީޑަރ ރަސްމުސް ޕަލުދާން ވަނީ ކީރިތި ޤުރުއާން އެންދުމަށް ހުއްދަ ދީފައެވެ.