ރައީސް އިބްރާހިމް މުހައްމަދު ޞާލިހާމެދު އެމްޑީޕީގެ ގިނަ ބަޔަކު ނުރުހޭ ކަމަށް ކުރީގެ ރަައީސް މުހައްމަދު ނަޝީދު ވިދާޅުވެއްޖެއެވެ.

ދިވެހި ޗެނަލްގެ ޕްރޮގްރާމެއްގައި ވާހަކަ ދައްކަވަމުން ނަޝީދު ވިދާޅުވީ ރިޔާސީ އިންތިހާބުގައި އެމްޑީޕީން ހަގީގަތުގައި އަސްލު ތާއީދު ކުރާނީ ކޮން ބޭފުޅަކަށްތޯ ޕާޓީން ނިންމަންޖެހޭ ކަަމަށެވެ. 

"މިހާރު އަޅުގަނޑަށް ފެންނަ ތަނުގަ، އެމްޑީޕީގެ ވަރަށް ގިނަ ބަޔަކު އެބަތިހި ނުރުހި، މިހާރު އެމްޑީޕީގެ ޓިކެޓް އެ ހަވާލުވާ ކެޑިޑޭޓަށް،" ނަޝީދު ވިދާޅުވިއެވެ.

Advertisement

އެގޮތަށް ތިބެ އިންތިހާބަށް ގޮސް ވާދަކޮށްފިނަމަ ޕާޓީއަށް އަނދިރި ނަތީޖާއެއް ލިބޭނެ ކަމަށް ނަޝީދު ވިދާޅުވިއެވެ.

އެމްޑީޕީ ރިޔާސީ ޕްރައިމަރީއަށްފަހު ފުރަތަމަ ފަހަރަށް ނަޝީދުގެ ޓީމާ ބައްދަލު ކުރައްވައި ދެއްކެވި ވާހަކަފުޅަށް އިޝާރާތް ކުރައްވާ ނަޝީދު ވިދާޅުވީ އެމްޑީޕީގެ ތެރޭގައި ވަކި ގޮތްޕެއް ހަދަން ވިސްނަވާ ކަމަށެވެ.

ކޮންމެ ރަށެއްގައިވެސް އެ ގޮފި ތަމްސީލު ކުރާނެ ކަމަށާއި ގޮފީގެ އަދަދަކީ މަދުވެގެން 50000 މީހުންނަށް ވާންޖެހޭ ކަމަށް ނަޝީދު ވިދާޅުވިއެވެ.

"(އެ ގޮފި) އުފެއްދުމަށްފަހު އެމީހުން ނިންމަންވީ ކޮން ކެނޑިޑޭޓަކަށްތޯ އެމީހުން ތާއީދު ކުރަން ނިންނަމީ،" ނަޝީދު ވިދާޅުވިއެވެ.

އެމްޑީޕީގެ ސިޔާސަތުތަކެއް ތަންފީޒުވާނެ ސަރުކާރެއް އެމްޑީޕީއަށް އުފެއްދޭނީ އެ މިސްރާބަށް ދެވިގެން ކަމަށް ނަޝީދު ވިދާޅުވިއެވެ.