ރާއްޖޭގެ ރައީސްކަން ކޮށްފައިވާ މެމްބަރަކު ޕާޓީން ވަކި ކޮށްގެން ނުވާނެ ކަމަށް ޕްލޭނިން މިނިސްޓްރީގެ ސްޓޭޓް މިނިސްޓަރ އަކްރަމް ކަމާލުންދީން ވިދާޅުވެއްޖެއެވެ.

އޭނާ މިހެން ވިދާޅުވީ، ރީކޯ މޫސާ މަނިކަށް ރައްދުދެއްވައި ކުރެއްވި ޓުވީޓެއްގައެވެ. ރީކޯ ވަނީ ކުރީގެ ރައީސް މުޙައްމަދު ނަޝީދު އެމްޑީޕީން ބޭރުކުރުމަށް ގޮވާލާފައެވެ.

"އަޅުގަނޑު ގަބޫލުކުރާ ގޮތުގައި އެމް.ޑީ.ޕީގެ މެމްބަރެއްގެ ގޮތުގައި ހުންނެވި ދިވެހިރާއްޖޭގެ ރައީސްކަން ކުރައްވާފައިވާ ބޭފުޅަކު އެއްވެސް ހާލަތެއްގައި ޕާޓިން ވަކިކޮށްގެން ނުވާނެ" އަކްރަމް ވިދާޅުވިއެވެ.

Advertisement

އަކްރަމްގެ ޓުވީޓަށް ރައްދުދެއްވައި ރީކޯ ވިދާޅުވީ އެމްޑީޕީގެ އަސާސީ ގަވާދުގައި އެފަދައިން ނޯންނަ ކަމަށެވެ.

"އަސާސީ ޤަވާއިދުގަ ނޯވޭ ތިޔަ ވާހަކައެއް ވަކި  މަޤާމެއް މީހަކު އަދާކޮށްފައިވާތީ ޕާޓީން ވަކިނުކުރެވޭނެކަމަކަށް؟ ރ މަޖްލީހުގެ ނައިބްރައީސް ކަމުގަ ޕާޓީ ގެ މެމްބަރަކު ހުއްޓާވެސް ވަކިކުރި؟ފިޔަވަޅުއަޅާ ކޮމެޓީން ތިޔަގޮތް ދެކޭނަމަ ހާދަ ފައްކާ އިންސާފެކޭތީ" ރީކޯ ވިދާޅުވިއެވެ.