ފަލަސްޠީނުން ދިން ރޮކެޓުގެ ހަމަލާއެއްގެ ރައްދުގައި އިޒްރާއިލުން ޣައްޒާގެ ޢާންމުން ދިރިއުޅޭ ސަރަހައްދަށް ވައިގެ ހަމަލާތައް ދޭން ފަށައިފިއެވެ.
އިޒްރާއިލުން ދޭން ފެށި މި ހަމަލާތަކުގައި މިހާތަނަށް ފަލަސްޠީނުގެ 9 މީހަކު ވަނީ ޝަހީދުވެފައެވެ. މި ހަމަލާ އަކީ ފަލަސްޠީނުގެ ބިމަށް ގަދަކަމުން ވެރިވެގަނެގެން ތިބި އިޒްރާއިލުގެ ޔަހޫދީން އުޅެމުންދާ ސަރަހައްދަށް ފަލަސްޠީނުން ދިން ރޮކެޓު ހަމަލާގެ ޖަވާބުގައި އިޒްރާއިލުން ދެމުންދާ ހަމަލާތަކެކެވެ. ފަލަސްޠީނުން ދިން ރޮކެޓު ހަމަލާގައި އިޒްރާއިލުގެ 7 މީހަކު ވަނީ މަރުވެފައެވެ.
ހަމަލާ ބަދަލު ކުރުމުގެ ތެރެއިން އިޒްރާއިލްގެ މިލިޓަރީ އާއި ޣައްޒާގެ ހަނގުރާމަވެރި ގްރޫޕް ތަކުގެ ދެމެދު ވަނީ ބަޑީގެ ހަމަލާތަކެއް ވެސް ބަދަލު ކުރެވިފައެވެ. ބުދަ ދުވަހުގެރޭ ހިންގި މި ހަމަލާ ބަދަލު ކުރުންތަކުގެ ޒިންމާ އަދި މިހާތަނަށް ފަލަސްޠީނުގެ އެއްވެސް ގްރޫޕަކުން ނަގައިފައެއް ނުވެއެވެ.
އިޒްރާއިލުން ބުނެފައިވަނީ އިޒްރާއިލުގެ ރައްޔިތުންނަށް އަމާޒުކޮށް ދީފައިވާ ހަމަލާއަކީ ހަމާސް އިން ދީފައިވާ ހަމަލާއެއް ކަމަށެވެ.
Advertisement
This content is created and paid for by advertisers and does not involve Voice Journalists
