ފަނޑިޔާރުންގެ ޖަމިއްޔާގެ ރައީސް އަލްއުސްތާޒް ހުސްނުއްސުޢޫދު ހއ އަތޮޅަށް ޒިޔާރަތް ކުރައްވައިފިއެވެ.

ފަނޑިޔާރުންގެ ޖަމިއްޔާގެ މީޑިއާ ކޯޑިނޭޓަރ ފަރުހާދު "ވޮއިސް" އަށް މައުލޫމާތު ދެއްވަމުން ވިދާޅުވީ ސުޢޫދު ހއ އަށް ކުރައްވާ މި ދަތުރުފުޅަކީ  ހއ ގެ ރަށްތަކުގައި ފަނޑިޔާރުކަން ކުރެއްވެވި ވަރަށް ގިނަ ބޭފުޅުން ރިޓެޔާ ކުރެއްވުމާއި ގުޅިގެން  މިހާރު ފަނޑިޔާރު ކަން ކުރައްވާ ބޭފުޅުން، ރިޓަޔާ ކުރެވުނު ބޭފުޅުން ޝަރުޢީ ދާއިރާއަށާއި ހއ ގެ ރަށްތަކަށް އެބޭފުޅުން ކުރެއްވެވި ޚިދުމަތުގެ އަގުވަޒަން ކުރުމަށް ބޭއްވި ޖަލްސާ ޝަރަފު ވެރި ކޮށްދެއްވުމަށް ކުރެއްވެވި ދަތުރުފުޅެއް ކަމަށެވެ.

މި ޖަލްސާ ބޭއްވިފައި ވަނީ މިއަދު ހއ ދިއްދޫގައެވެ.

Advertisement

މި ދަތުރުފުޅުގައި ފަނޑިޔާރުންގެ ޖަމިއްޔާގެ ރައީސްގެ ހައިސިއްޔަތުން ހއ އަތޮޅުގެ ބައެއް ރަށް ރަށުގެ މެޖިސްޓްރޭޓް ކޯޓުތަކަށް ޒިޔާރަތް ކުރައްވައިފައިވެއެވެ.

އެގޮތުން އުތީމު، ހަނިމާދޫ އަދި ދިއްދޫ ގެ މެޖިސްޓްރޭޓް ކޯޓަށް ޒިޔާރަތް ކުރައްވައި އެތަން ތަނުގެ ހާލަތު ވަނީ ބައްލަވައި ލައްވައިފައެވެ.

މީގެ އިތުރުން ކޯޓުތަކުގެ މެޖިސްޓްރޭޓުންނާއި ބައްދަލު ކުރައްވައި ކޯޓު ތަކުގެ މުވައްޒަފުންނާއި ބައްދަލު ކުރައްވައި މަސައްކަތުގައި ދިމާވާ ދަތިތަކަކީ ކޮބައިތޯ ބައްލަވައި ފައިވެއެވެ.