މިޞްރުގައި ބޭއްވުނު އިންޓަރނޭޝަނަލް ކޮންޓެސްޓް ފޮރ ރިސައިޓަރސް އޮފް ދަ ހޮލީ ޤުރްއާން، އިޖިޕްޓް މުބާރާތުގައި ރާއްޖެ ތަމްސީލު ކުރި ފާޠިމަތު ޝާޔާ ޒާހިރު އެމުބާރާތުގެ ދެވަނަ ހާސިލްކޮށްފިއެވެ.
މި މުބާރާތުގައި ގިނަ ޤައުމުތަކަކުން ބައިވެރިވެފައިވާއިރު މުބާރާތުގެ އެއްވަނަ ހާސިލް ކުރީ ޣާނާ ގެ ޢަބްދުޞަމަދު އާދަމް އެވެ. ދެވަނަ ރާއްޖޭގެ ޝާޔާ ހާސިލް ކުރި އިރު ތިންވަނަ އަށް އައިސްފައިވަނީ އަވަށްޓެރި ބަންގްލަދޭޝްގެ ތަންވީރް ހުސެއިންއެވެ. މީގެ ކޮންމެ ބައިވެރިއަކަށް ވެސް 99 ޕޮއިންޓު ލިބިފައިވެއެވެ.
ޝާޔާ 99.45 މާރކްސް އާއެކު ކިޔެވި ގޮފިން ދެވަނަ ޙާޞިލުކޮށްފައިވާތީ، އެއްލައްކަ ފަންސާސް ހާސް އިޖިޕްޓް ޕައުންޑްގެ މާލީ އިނާމެއް ދެވޭނެކަމަށް މިސްރުގެ އައުޤާފް މިނިސްޓްރީން ވަނީ ހާމަކޮށްފައެވެ.
ރާއްޖެ ތަމްސީލް ކޮށް ރާއްޖެއަށް ދެވަނަ ހާސިލް ކޮށްދިން ޝާޔާ އަކީ އިސްކަންދަރު ސްކޫލްގެ ގްރޭޑް 8 ގައި ތައުލީމް ހާސިލް ކުރަމުންދާ ދަރިވަރެކެވެ.
Advertisement
This content is created and paid for by advertisers and does not involve Voice Journalists
