ތުރްކިޔޭ އަދި ސީރިޔާ އަށް އައި ބިންހެލުމުގައި އެތައް ސަތޭކަ ބަޔަކު މަރުވެއްޖެއެވެ.
7.8 މެގްނެޓިޔުޓް ބާރު މިނުގައި ތުރްކިޔޭގެ ދެކުނަށާއި ސީރިޔާގެ އުތުރަށް އައި ބިންހެލުމުގައި ބޮޑެތި ޢިމާރާތް ތަކެއް ވަނީ ވެއްޓީ ބިމާއި ހަމަވެފައެވެ. މިހާދިސާގައި ތްރިކިޔޭ އިން މިހާތަނަށް 284 މީހަކު ނިޔަވާފައިވާ ކަމަށާއި ސޫރިޔާއިން 384 މީހަކު މަރުވެފައިވާ ކަމަށް ވަނި ރިޕޯޓް ކުރެވިފައެވެ.
އެމެރިކާގެ ޖިއޮލޮޖިކަލް ސާވޭ އިން ދައްކާގޮތުން މި ބިންހެލުން އުފެދިފައިވަނީ ގަޒިއަންޓެޕް ކިޔާ ހިސާބާއި 20 މޭލު ކައިރިން ކަމަށާއި އަދި ބިން ހެލުން އަތުވެފައިވަނީ 11 މޭލު އަޑިން ކަމަށެވެ. 6.7 މެގްނެޓިޔުޓް ގައި އައިކަމަށް ރިކޯޑް ކުރެވިފައިވާ ބިންހެލުން ހުއްޓުމަށްފަހު އޭގެ އަސަރު 10 މިނިޓަށް ދެމިގެން ދިޔަ ކަމަށެވެ. އަދި ބިންހެލުމުގެ އިހްސާސް ސައިޕްރަސް އާއި ލުބްނާން ވަނީ ކޮށްފައިކަމަށެވެ.
ތުރްކިޔޭގެ ރައީސް ރަޖަބް ޠައްޔިބް އުރްދުޣާން ޓުވިޓާގައި ވިދާޅުވެފައިވަނީ "މީހުން ހޯދާ ފަރާތްތަކާއި ރެސްކިޔު ޓީމް ތަކުން ވަނީ ވަގުތުން އެސަރަހައްދުތަކުގައި ހަރަކާތްތެރިވާން ފަށައިފައި" މިހެނެވެ.
ސީރިޔާގެ އުތުރުގެ ހިސާބުތަކަށް ބިންހެލުން އައިސް އެތަނުން އެތައް އިމާރާތްތަކެއް ވެއްޓިފައިވާއިރު އެ އިމާރާތްތަކުގެ ދަށުގައި އެތައް ބަޔަކު ތާށިވެފައިވާކަމަށް ސީރިޔާގެ ސިވިލް ޑިފެންސް އިން ވިދާޅުވެފައިވެއެވެ.
Advertisement
This content is created and paid for by advertisers and does not involve Voice Journalists
