ތުރްކިޔޭގެ ދެކުނަށާއި ސީރިޔާގެ އުތުރަށް 7.8 މެގްނެޓިޔުޓް ބާރުމިނުގައި އައި ބިންހެލުމުން މީހުން ސަލާމަތް ނުކުރެވި އުޅެނިކޮށް ހަމަ އެސަރަހައްދަށް 7.5 މެގްނެޓިޔުޓްގެ ބާރުމިނުގައި މިއަދު ވަނީ ދެވަނަ ބިންހެލުމެއް އައިސްފައެވެ.
މި ދެބިންހެލުމުގައި މަރުވި މީހުންގެ ޢަދަދު މިހާރު މިވަނީ އަނެއްކާވެސް މައްޗަށް ޖެހިފައެވެ. އެގޮތުން ތުރުކިޔޭ އިން 1541 މީހުން އަދި ސީރިޔާ އިން 810 މީހުން ވަނީ މަރުވިކަން ޔަޤީން ވެފައެވެ. ޖުމްލަ 2351 މީހުން ވަނީ މަރުވެފައެވެ.
އަދި ވެސް ރެސްކިޔު ޓީމްތަކުން ދަނީ ޢިމާރާތް ތަކުގެ ދަށުގައި ތާށި ވެފައި ތިބި މީހުން ސަލާމަތް ކުރުމުގެ މަސައްކަތް ތައް ކުރަމުންނެވެ. މީހުން ސަލާމަތް ކުރަން މަސައްކަތް ކުރާ ރެސްކިޔު ޓީމް ތަކުން ލަފާ ކުރާ ގޮތުން މި ބިންހެލުމުގައި މަރުވި މީހުންގެ ޢަދަދު މިއަށް ވުރެ މައްޗަށް ޖެހިގެން ދާނެއެވެ.
ބިންހެލުމަށް ފަހުވެސް އެތައް ލޮޅުން ތަކެއް ބިމަށް އައިސްފައިވާތީ ހަލާކުވެފައިވާ އިމާރާތް ތަކުގެ ތެރެއަށް ނުވަނުމަށް ޢާންމުނަށް ވަނީ އިލްތިމާސް ކޮށްފައެވެ.
Advertisement
This content is created and paid for by advertisers and does not involve Voice Journalists
