ނުކުޅެދުންތެރިކަން ހުންނަ ފަރާތްތަކުގެ ރަޖިސްޓްރީ އެކުލަވާލުމުގެ މަސައްކަތް ނިންމާލާފައިވާކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެ އެވެ.
އެ ރަޖިސްޓްރީއަކީ ޤާނޫނު ނަންވަރު 8/2010 ގެ ދަށުން ސަރުކާރުން އެކުލަވާލުން ލާޒިމުކުރާ ރަޖިސްޓްރީއެކެވެ.
މިއަހަރުގެ ރިޔާސީ ބަޔާން އިއްވަވަމުން ރައީސް ޞާލިހު ވިދާޅުވީ މިހާރު އެ މަސައްކަތް ނިންމާލެވިފައިވާ ކަމަށެވެ. އަދި ހަމައެއާއެކު ނުކުޅެދުންތެރިކަން ހުންނަ ފަރާތްތަކަށް ބޭނުންވާ ޚިދުމަތްތައް ފޯރުކޮށްދިނުމުގެ މަސައްކަތް ފަށާނެކަމަށް ރައީސް ޞާލިހު ވިދާޅުވި އެވެ.
"ޤާނޫނު ނަންބަރު 8/2010 ގެ ދަށުން، އެކުލަވައިލަން ޖެހިފައި އޮތް ނުކުޅެދުންތެރިކަން ހުންނަ މީހުންގެ ރަޖިސްޓްރީ އަޅުގަނޑުމެން އެކުލަވައިލައި ނިންމައިފިން"
ރައީސް އިބްރާހިމް މުހައްމަދު ޞާލިހު
ރައީސް ޞާލިހު އިތުރަށް ވިދާޅުވީ ނުކުޅެދުންތެރިކަން ހުންނަ ފަރާތްތަކަށް ދައުލަތުން ދޭ އެލަވަންސު އަންނަ ޖޫން މަހުން ފެށިގެން ބޮޑުކުރަން ސަރުކާރުން ނިންމާފައިވާ ކަމަށެވެ.
އޭގެ އިތުރުން ނުކުޅެދުންތެރިކަން ހުންނަ ފަރާތްތަކުގެ އުމުރުން 18 އަހަރު ފުރުމުން ބޭނުންވާ ޚިދުމަތްތަކަށް ވަކި ސެންޓަރެއް، މި ހަފްތާތެރޭ ހުޅުމާލޭގައި ހުޅުވިގެންދާނެކަމަށް އެމަނިކުފާނު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
