ސަރުކާރުގެ ދެ ވުޒާރާއެެއްގެ މަސައްކަތު ދާއިރާއަށް ބަދަލުތަކެއް ގެނައުމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙު މިއަދު ރައްޔިތުންގެ މަޖިލީހަށް ފޮނުއްވައިފިއެވެ.
މިއަދު ކުރިއަށް ދިޔަ މަޖިލީހުގެ ޖަލްސާގައި، ޕްލޭނިން މިނިސްޓްރީގެ މަސައްކަތުގެ ދާއިރާއާއި ހެލްތު މިނިސްޓްރީގެ މަސައްކަތު ދާއިރާއަށް ބަދަލުގެންނަވަން ނިންމަވައި، ރައީސް ފޮނުއްވި ސިޓީ ވަނީ އިއްވާފައިވެއެވެ.
ރައީސް ގެ ސިޓީގައި ވާގޮތުން ޕްލޭނިން މިނިސްޓްރީގެ މަސައްކަތު ދާއިރާއަށް ބަދަލުގެންނަނީ އެ މިނިސްޓްރީގެ ދަށުގައި އޮންނަ ޑިޕާޓްމެންޓު އޮފް ނޭޝަނަލް ރެޖިސްޓްރޭޝަންގެ ބައެއް މަސައްކަތްތަކަށް ބަދަލުތަކެއް ގެނައުމާ ގުޅިގެންނެވެ.
އަދި ހެލްތް މިނިސްޓްރީގެ ދާއިރާއަށް ބަދަލު ގެންނަވަނީ ނޭޝަނަލް މެންޓަލް ހެލްތު ޑިޕާޓުމެންޓުގެ ނަމުގައި ސަރުކާރުގެ އިދާރާއަށް އުފައްދައި އެ އިދާރާއަކީ ހެލްތު މިނިސްޓްރީގެ ބައެއްކަމަށް ހަމަޖައްސާފައިވުމާ ގުޅިގެން ކަމަށްވެސް އެ ސިޓީގައި ވެއެވެ.
އަދި މިދެ ބަދަލުވެސް މަޖިލީހުން ފާސްކޮށްދެއްވުމަށް ރައީސް ޞާލިހު ގެ ސިޓީގައި ވަނީ އެދިލައްވާފައެވެ.
މި ދެ މައްސަލަ ސަރުކާރުގެ މަސްއޫލިއްޔަތު އަދާކުރާ މިންވަރު ބެލުމަށް ހަދާފައިވާ ކޮމިޓީއަށް، ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަނީ ފޮނުވާފައެވެ.
Advertisement
This content is created and paid for by advertisers and does not involve Voice Journalists
