48 ގަޑިއިރުތެރެއިން 5 ބިންހެލުން އައިސް ތުރްކިޔޭ އާއި ސީރިޔާއިން މަރުވިމީހުންގެ ޢަދަދު 5000 އަށް އަރައިފިއެވެ.

މި ކާރިސާގައި ތުރްކިޔޭ އާއި ސީރިޔާއިން ޒަހަމްވެ އަނިޔާވި މީހުންގެ ޢަދަދު 10 ހާހުން މައްޗައް ވަނީ އަރައިފައެވެ.

7.8 މެގްނެޓިޔުޓްގެ ބާރުމިނުގައި ތުރްކިޔޭ ގެ ދެކުނާއި ސީރިޔާ އާއި ތުރްކިޔޭ ގުޅޭ ބޯޑަރުގެ ކައިރިއަށް އައި ބިންހެލުން އައިތާ 12 ގަޑިއިރު ފަހުން ހަމަ އެސަރަހައްދަށް 7.6 މެގްނެޓިޔުޓްގެ ބާރުމިނުގައި ވަނީ އެހެން ބިންހެލުމެއް އައިސްފައެވެ. އޭގެ ފަހުންވެސް 4 ބިންހެލުމެއްގެ އަސަރު ވަނީ ތުރުކިޔޭ އާއި ސީރިޔާ އަށް ވަނީ އައިސްފައެވެ.

Advertisement

 ތުރްކިޔޭ އާއި ސީރިޔާގެ ބިންހެލުމުގެ އަސަރުކޮށް ވެއްޓުނު އިމާރާތް ތަކުގެ ދަށުގައި ތާށިވެފައި ތިބި މީހުން ތިބީ ވެހެމުންދާ ސްނޯ އާއި ފިނީގެ ތެރޭގައެވެ.

ޔުނިސެފުން ބުނެފައިވަނީ މި ކާރިސާގައި ދެ ޤައުމުންވެސް ގިނަ ޢަދަދެއްގެ ކުޑަ ކުދިން މަރުވެފައިވާނެ ކަމަށް ލަފާކުރެވޭ ކަމަށެވެ. ޔުނިސެފްގެ ސްޕޯކްސްޕާސަން ޖޭމްސް އެލްޑަރ ބުނެފައިވަނީ ގިނަ ކުދިންތަކެއް މި ކާރިސާގައި މަރުވެފައި  ވާނެ ކަމަށާއި ބައިނަލްއަގްވާމީ އޮގަނައިޒޭޝަންތަކަށް ސީދާ ޢަދަދު ދެނެގަތުމަށް ދަތިވެފައިވާ ކަމަށެވެ.

ތުރްކިޔޭ އާއި ސީރިޔާގެ އާއިލާތަކުން ދަނީ ވެއްޓި ފުނޑުފުނޑުވެފައިވާ އިމާރާތް ތަކުގެ ދަށުން އެ އާއިލާތަކުގެ ކުޑަކުދިން ހޯދުމަށް މަސައްކަތް ކުރަމުންނެވެ. އަދި އިމާރާތްތަކުގެ ދަށުގައި ތާށިވެ ސަލާމަތް ކުރި ބައެއް ކުދިން ސަލާމަތްވިއިރު އެކުދިންގެ އާއިލާތައް ވަނީ މަރުވެފައެވެ.

ޑަބްލިޔުއެޗްއޯ އިން ބުނެފައިވަނީ ބިންހެލުމުގެ ކާރިސާގެ ސަބަބުން 23 މިލިއަނެއްހާ މީހުންނަށް އަސަރުކޮށްފައިވާނެ ކަމަށެވެ.