ތުރްކިޔޭ އާއި ސީރިޔާ އަށް އައި ބާރުގަދަ ބިންހެލުންތަކުގެ ސަބަބުން ތުރްކިޔޭ ގައި ކުއްލި ޚާލަތު އިޢްލާނުކޮށްފިއެވެ.
ތުރްކިޔޭ ގެ ރައީސް ރަޖަބް ޠައްޔިބް އުރްދުޣާން ވިދާޅިވެފައިވަނީ މިހާތަނަށް ތުރްކިޔޭ އިން 3549 މީހަކު މަރުވެފައިވާ ކަމަށާއި އެކި ވަރުގެ އަނިޔާ ލިބުނު މީހުންގެ ޢަދަދު 22،168 އަރާ ކަމަށް އުރްދުޣާން ވަނީ އިޢްލާނު ކުރައްވައިފައެވެ.
ތުރްކިޔޭގެ ނައިބު ރައީސް ފުއާދް އޮކްޓޭ ވިދާޅުވީ ބިންހެލުން ތަކާއި ގުޅިގެން 312 ކުދި ހެލުން ތައް އައިސް ފައިވާކަމަށެވެ.
ސީރިޔާގެ ސިވިލް ޑިފެންސް އިން ބުނެފައިވަނީ ބިންހެލުމުގެ ސަބަބުން ވެއްޓުނު އިމާރާތްތަކުގެ ދަށުގައި 100 އެއްހާ ޢާއިލާ އަދިވެސް ވާނެކަމަށެވެ. އަދި ހުޅަނގު އުތުރުގައި މަރުގެ އަދަދުތައް އިތުރުވަމުން ދާ ކަމަށެވެ. އެގޮތުން އެހިސާބުން 810 މީހެއް މަރުވެފައިވާކަމަށާއި 2200 މީހުން ޒަހަމްވެފައި ވާކަމަށެވެ.
ސަންޢާގެ އެޖެންސީ އިން ބުނެފައިވަނީ ހެލްތް މިނިސްޓްރީ އިން ހާމަކޮށްފައިވާ ގޮތުން އަލެއްޕޯ ހިމެނޭ ސަރަހައްދުން 812 މީހުން މަރުވެ، 1449 މީހުން ވަނީ ޒަހަމްވެފައެވެ.
Advertisement
This content is created and paid for by advertisers and does not involve Voice Journalists
