ތުރްކިޔޭ އަދި ސީރިޔާ އަށް އައި ބާރުގަދަ ބިންހެލުން ތަކުގައި ވެއްޓުނު އިމާރާތެއްގެ ދަށުން 33 ގަޑިއިރަސްފަހު ހަތަރު އަހަރުގެ އަންހެން ކުއްޖަކު ސަލާމަތްކޮށްފިއެވެ.

މި ކާރިސާގައި ތުރްކިޔޭ އަދި ސީރިޔާ އިން މަރުވިމީހުންގެ ޢަދަދު 6000 އަށް ވުރެ މައްޗަށް ވަނީ އަރައިފައެވެ.

ސީރިޔާ އާއި ތުރްކިޔާގެ ބިންހެލުން އައިސް އޭގެ އަސަރުކުރި 10 ޕްރޮވިންސް އަށް އެހީދޭ ޖަމިއްޔާތަކުގެ އެހީ ފޯރުކޮށްދިނުމަށް ފަހި ކޮށްދިނުމުގެ ގޮތުން 3 މަސް ދުވަހަށް ކުއްލިނުރައްކަލުގެ ހާލަތު ތިން މަސް ދުވަހަށް ވަނީ އިއްލާނުކޮށްފައެވެ.

ދުނިޔޭގެ ގިނަ ޤައުމުތަކުން ދަނީ ތުރްކިޔޭ އާއި ސީރިޔާ އަށް މިވަގުތައް ބޭނުންވާ އެހީތެރިކަން ފޯރުކޮށް ދޭނެކަން އިއްލާނުކޮށްފައެވެ. ބައެއް ޤައުމުތަކުން އެހީގެ ތަކެތި މިހާރު އެ ދެޤައުމަށް ފޮނުވައި ދަތުރުފަށައިފައިވެސް ވެއެވެ. ހާލުގައި ޖެހިފައި ތިބި ތުރްކިޔޭ އާއި ސީރިޔާގެ ރައްޔިތުން ތިބީ ފައިބަމުންދާ ސްނޯގެ އަސަރުގައި ފިނި ބޮޑުވެފައެވެ.

ކެނެޑާއިން ވަނީ 10 މިލިއަން ޔޫއެސް ޑޮލަރުގެ އެހީ ދޭނެކަމަށް ބުނެފައެވެ. އިނގިރޭސި ވިލާތުންވެސް ވަނީ ބިންހެލުމުގައި ހާލުގައި ޖެހެނު ފަރާތްތަކަށް އެހީ ފޯރުކޮށްދޭނެ ކަމަށް ބުނެފައެވެ. އަދި 70 ރެސްކިޔު ސްޕެޝަލިސްޓުންނާއި ސްނިފަރ ޑޯގްސް މީހުން ހޯދުމަށް އެހީތެރި ވުމަށް ފޮނުވާނެ ކަމަށް ވަނީ ބުނެފައެވެ.