މިއަހަރުގެ ސެޕްޓެމްބަރ މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ޖުމްހޫރީ ޕާޓީގެ ލީޑަރ ޤާސިމް އިބްރާހިމް ރައީސުލްޖުމްހޫރިއްޔާ އިބްރާހިމް މުޙައްމަދް ޞާލިޙަށް ތާއީދު ނުކުރައްވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.

ނަޝީދު މިހެން ވިދާޅުވީ ނަޝީދު ހިމެނިވަޑައިގަންނަވާހެން އުފައްދާފައިވާ އެމްޑީޕީގެ އިސްވެރިން ހިމެނޭ ގްރޫޕެއްގައި ކުރެވުނު ސިޔާސީ ބަހުސެއްގެ ތެރެއިންނެވެ.

"އިބޫ [ރައީސުލްޖުމްހޫރިއްޔާ އިބްރާހިމް މުޙައްމަދް ޞާލިޙްގެ] ފަހަތަށް ޤާސިމް އަރާނެ އެއް ގޮތެއް ވެސް ނެތް. ޤާސިމްއެއް ނާރާނެ. 100 ޕަސެންޓު ޔަގީން،" ނަޝީދުގެ ވިދާޅުވިއެވެ.

އެމްޑީޕީގެ އެތެރޭ އިންތިޚާބުގައި ރައީސް ޞާލިޙާއި ނަޝީދު ވާދަކޮށް ރައީސް ޞާލިޙް ވަނީ  ކާމިޔާބުކޮށްފައެވެ. އެހާހިސާބުން ރައީސް ނަޝީދު ދަނީ "ފިކުރެއްގެ ދިރުން" ނަމުގައި ޕާޓީ ތެރޭގައި ވަކި ފެކްޝަނެއް ހެދުމުގެ މަސައްކަތް ކުރަން ފަށައިފައެވެ.

ނަޝީދު ޤާސިމާއި މެދު މިފަދަ ކޮމެންޓެއް ކުރައްވާފައިވާއިރު އިއްޔެ ޤާސިމް ވަނީ ޖޭޕީގެ ކައުންސިލް އެއްކުރައްވާފައެވެ. އެ ބައްދަލްވުމުގައި ސަރުކާރަށް ފާޑުވިދާޅުވިއެވެ. ސަރުކާރުގެ ހިއްސާއިން 10 ޕަސެންޓްވެސް ލިބިވަޑައިނުގަންނަވާ ކަމަށް ވިދާޅުވިއެވެ. ސަރުކާރުގެ ހިންގުމުގައި ހުރި ބައެއް ކަންކަމަށްވެސް ފާޑުވިދާޅުވިއެވެ. އަދި ކޯލިޝަން ދެމެހެއްޓެވުމާއި ގައުމުގައި އަމާން މާހައުލެއް އޮތުމުން އެކަމަށް ތައުރީފުވެސް ކުރެއްވިއެވެ.

ޖުމްހޫރީ ޕާޓީގެ ކޮންގްރެސް، މި ފެބްރުއަރީ 24، 25 ދެ ދުވަހު ކުރިއަށް ގެންދަން އޮތީ ނިންމާފަ އެވެ. ކޮންގްރެސްގައި ހޮވާ އާ ކައުންސިލުން ޖޭޕީގެ ރަސްމީ ސްޓޭންޑް ސާފުކޮށް ނިންމާނެ އެވެ.