2022 ވަނަ އަހަރުގެ ފީފާ ދަ ބެސްޓް އެވޯޑްގެ އެންމެ މޮޅު ފިރިހެން ފުޓްބޯޅަ ކުޅުންތެރިއާގެ މަގާމަށް ވަދަކުރާ ތިން ކުޅުންތެރިން ފީފާއިން އިއުލާން ކޮށްފިއެވެ.

މިފަހަރުގެ އެވޯޑަށް ވާދަކުރާ ތިން ކުޅުންތެރިންނަކީ އާޖެންޓީނާގެ ކެޕްޓަން ލިއޮނަލް މެސީ އާއި ފުރާންސްގެ ދެ ކުޅުންތެރިންކަމަށްވާ ކާރީމް ބެންޒެމާ އަދި ކިލިއަން އެމްބާޕޭ އެވެ. މީގެ ތެރެއިން އެމްބާޕޭ އާއި މެސީ ކުޅެމުން އަންނަނީ ފުރާންސްގެ ޕީއެސްޖީއަށެ. އަދި ބެންޒެމާ މިދިޔަ ސީޒިނުން ފެށިގެން ރެއާލް މެޑްރިޑްގެ ކެޕްތަނެވެ.

އެމްބާޕޭ 

މިއީ އެމްބާޕޭ ފީފާ ދަބެސްޓް އެވޯޑަށް ވާދަކުރާ ފައިނަލް ތިން ކުޅުންތެރިންގެ ތެރޭގައި ހިމެނުނު ފުރަތަމަ ފަހަރެވެ. މިދިޔަ ސީޒަނުގައި ޕިއެސްޖީ އާއި އެކު ލީގު ކާމިޔާބުކުރުމުގެ އިތުރުން ލީގު ޓޮޕް ސްކޯރާގެ މަގާމް ހޯދި އެމްބާޕޭ އަކީ ޤަތަރުގައި ނިމިދިޔަ ވޯލްޑް ކަޕްގެ އެންމެ ގިނަ ގޯލްޖެހި ކުޅުންތެރިއާވެސް މެއެވެ. އަދި އެ މުބާރާތުގެ ފައިނަލުގައި އާޖެންޓީނާ އަތުން ޕެނަލްޓީ ޖަހައިގެން ފްރާންސް ބަލިވި މެޗުގައި އެމްބާޕޭ ތިން ލަނޑު ކާމިޔާބުކޮށް ހެޓްރިކު ހެދިއެވެ.

ކަރީމް ބެޒެމާ

2022 ވަނަ އަހަރު ބެލޮން ޑި އޯރ އެވޯޑް ހޯދި ކަރީމް ބެޒެމާ ވަނީ ރެއާލް މެޑްރިޑާއި އެކު ސްޕެނިޝް ލަލީގާ، ޔުއެފާ ޗެންޕިއަންސް ލީގު އިތުރުން ޔުއެފާ ސުޕަކަޕް ކާމިޔާބު ކޮށްފައެވެ. މީގެ އިތުރުން ލަލީގާ ޓޮޕް ސްކޯރާ އަދި ޗެންޕިއަންސް ލީގުގެ އެންމެ ގިނަ ލަނޑުޖެހި ކުޅުންތެރިއަކީ ވެސް ބެންޒެމާ އެވެ. 

މިދިިޔަ އަހަރު ޕީއެސްޖީގައި މެސީގެ އެންމެ މޮޅު ކުޅުން ނުދެއްކުނު ނަމަވެސް އާޖެންޓީނާ ގައުމީ ޓީމުގައި މެސީ ވަނީ އާދަޔާ ޚިލާފު މޮޅު ކުޅުމެއް ދައްކަދީފައެވެ. މި ގޮތުން އާޖެންޓީނާ އާއި އެކު ވޯލްޑް ކަޕް ފުޓްބޯޅަ މުބާރާތް ކާމިޔާބުކުރުމުގެ އިތުރުން މުބާރާތުގެ އެންމެ މޮޅު ކުޅުންތެރިއާގެ މަގާމުވެސް ހޯދީ މެސީ އެވެ. އަދި 2023 ވަނަ އަހަރު ފެށުނުފަހުން މެސީ އަންނަނީ ޕީއެސްޖީގައި ވެސް އެކުޅުން ތަކުރާރު ކުރަމުންނެވެ.

ލިއޮނަލް މެސީ

އަންނަ ފެބްރުއަރީ މަހުގެ 27 ވާ ހޯމަ ދުވަހު ބާއްވާ ޚައްސަ ރަސްމިއްޔާތެއްގައި ފީފާ ދަބެސްޓް އެވޯޑްތައް އިއުލާނު ކުރުމަށް ހަމަޖެހިފައިވާއިރު، މި ހަފްލާގައި އެންމެ މޮޅު ކޯޗާއި އެންމެ މޮޅު ގޯލްކީޕަރު އަދި އަހަރުގެ އެންމެ މޮޅު އެގާރައިގެ އިތުރުން ވެސް ގިނަ އެވޯޑްތަކެއް ދިނުމަށް ވަނީ ހަމަޖެހިފަ އެވެ.