ރާއްޖޭގެ އެންމެ ފުރަމަތަ އިންސާނީ އެހީ ދޭ ޖަމިއްޔާ "އެހީ" ގެ ވެބްސައިޓް "އެދިހަ" އިފްތިތާޙް ކޮށްފިއެވެ.
ރޭ އިސްލާމީ މަރުކަޒުގެ ޖަލްސާ ކުރާ މާލަމުގައި ބޭއްވުނު ރަސްމިއްޔާތެއްގައި މި ވެބްސައިޓް އފްތިތާޙް ކޮށްދެއްވީ އެންސްޕާގެ ސީއީއޯ މަރިޔަމް ޝަފީޤް އަދި "އެހީ" ޖަމިއްޔާގެ ރައީސް އަހްމަދް އިޤްބާލެވެ.
ރޭގައި އިފްތިތާޙް ކުރެވުނު މި ވެބްސައިޓްގެ މަޤްސަދަކީ ފަސޭހަކަމާއި އިތުބާރާއެކު އެހީތެރިކަން ހޯދަން ބޭނުންވާ ފަރާތްތަކާއި އެހީތެރިވާން ބޭނުން ފަރާތްތައް އަމާނާތްތެރިކަމާއެކު ގުޅުވާދިނުމެވެ.
"އެދިހަ" ވެބްސައިޓަކީ އާއްމު ފަރުދުންނަށް "ކްރައުޑް ފަންޑިންގް"ގެ އުސޫލުން އެހީ ހޯދުމަށް ހެދިފައިވާ ވެބްސައިޓެއް ކަމަށާއި، މިވެބްސައިޓް މެދުވެރިކޮށް އާއްމު ފަރުދުންނަށް ބޭސް ފަރުވާއަށާއި، ތަޢުލީމު ޚާޞިލްކުރުމަށް ނުވަތަ ބިލްދެއްކުމަށާއި ދިރިއުޅުމުގެ ޟަރޫރީ ކަންކަން ފުއްދުން ފަދަ ކަންކަމުގައި މާލީ އެހީ އެއްކުރުމަށް ކެމްޕެއިން ހެދޭނެ ކަމަށް އެވެބްސައިޓްގައި ބުނެފައުވެއެވެ.
އެންސްޕާގެ ސީއީއޯ މަރިޔަމް ޝަފީޤް އަދި "އެހީ" ޖަމިއްޔާގެ ރައީސް އަހްމަދް އިޤްބާލް އެދިހަ ވެބްސައިޓް އިފްތިތާހްކޮށްދެއްވަނީ
މިގޮތުން ހެދޭ ކެމްޕެއިންތައް އާއްމުންނަށް ހުޅުވާލެވޭނީ އެހީ ޖަމިއްޔާގެ ޚާއްސަ ޓީމަކުން އެހީއަށް އެދިފައިވާ ފަރާތްތަކަށް ޒިޔާރަތްކޮށް މައުލޫމާތު ކަށަވަރު ކުރުމަށް ފަހުގައި ކަމަށް ވެސް ބުނެފައިވެއެވެ.
އެދިހަގެ މީޑީއާ ޕާޓްނަރުކަމުގައި ހަމަޖައްސާފައިވަނީ ވޮއިސް
ޔަޤީންކަން ކަށަވަރުކުރެވުމުން، ކެންޕެއިންތަކަށް ފައިސާ ދިނުމަށް އާއްމުންނަށް ހުޅުވާލެވޭނެ ކަމަށާއި، އެގޮތުން ވެބްސައިޓް މެދުވެރިކޮށް 18އަހަރުން މަތީގެ ކޮންމެ ފަރާތަކަށްވެސް ފަސޭހަކަމާއެކު ކެމްޕއެންތަކަށް ފައިސާ ހަދިޔާކުރެވޭނެކަމަށް ބުނެފައިވެއެވެ.
އެހީ ޖަމިއްޔާގެ އިސްވެރިން
އެހީގެ ގޮތުގައި އެއްކުރެވޭ ފައިސާ ޚަރަދު ކުރެވޭނީ "އެހީ"ގެ ބެލުމުގެ ދަށުން އެހީތެރިކަމަށް އެދިފައިވާ ކަންކަމުގައި އެކަންޏެވެ. އަދި އެފައިސާ ހޭދަކުރެވުނު ގޮތުގެ ތަފްޞީލް ވެބްސައިގައި އާއްމުކުރެވޭނެއެވެ.
އެގޮތުން ނަގުދު ފައިސާ ދިނުމުގެ ބަދަލުގައި އިސްކަންދެވޭނީ އެހީތެރިކަން ބޭނުންވާ ކަންކަން ފުރިހަމަކޮށްދިނުމަށެވެ. އަދި ކުރެވުނު ޚަރަދުތަކުގެ ތަފްޞީލު ދެފުށްފެންނާނެ ގޮތަށް އާއްމުކުރެވޭނެ ކަމަށް ވެސް އެވެބްސައިޓަގައި ބުނެފައިވެއެވެ.
ޖަވާބު ޕްރައިވެޓް ލިމިޓެޑްގެ ވެރިޔާ
"އެދިހަ" ވެބްސައިޓަކީ އެހީ ޖަމިއްޔަގެ އިސްނެގުމުގެ މަތީން ޖަވާބު ޕްރައިވެޓް ލިމިޓެޑް އިން ސީއެސްއާރު ގޮތުގައި ޑިވެލޮޕްކޮށްދީ ބަލަހައްޓާ ވެބްސައިޓެކެވެ.
އެދިހަ ވެބްސައިޓް ލިންކް: https://edhiha.mv
އެދިހަ އަދި އެހީ ޖަމިއްޔާގެ އެހީތަކާއި ގުޅޭ ހަބަރާއި މައުލޫމާތު ގެނެސްދިނުމުގެ އެއްބަސްވުމެއްގައި އެހީ ޖަމިއްޔާ އަދި ވޮއިސް ނޫހުން ރޭ ގެ ހަފްލާގައި ވަނީ އަހުދުނާމާއެއްގައި ސޮއިކޮށްފައެވެ.
Advertisement
This content is created and paid for by advertisers and does not involve Voice Journalists
