ކުޑަކުދިންނާއި ގުޅޭ އެކިއެކި ހަރަކާތްތައް ކުރިއަށް ގެންދާ އައިޕްލޭ ހައުސް އިން މިއަދު އެތަނުގެ އިންޑޯ ޕްލޭގްރައުން ލިބޭ ފައިސާ ސީރިޔާ އަދި ތުރްކިޔޭގައި ބިންހެލުމުގެ ސަބަބުން ހާލުގައި ޖެހިފައި ތިބި ފަރާތްތަކަށް ހަދިޔާ ކުރުމަށް ނިންމައިފިއެވެ.

އައި ޕްލޭ ހައުސް އިން ބުނެފައިވަނީ މިއަދު އެތަނުގެ އިންޑޯ ޕްލޭގްރައުންޑަށް ލިބޭ ފައިސާ ހަދިޔާ ކުރާނީ ތުރްކިޔޭ އަދި ސީރިޔާގައި ބިންހެލުމުގެ ސަބަބުން ހާލުގައި ޖެހިފައިތިބި ފަރާތްތަކަށް ކަމަށެވެ.

އެގޮތުން  މިއަދުގެ ހެނދުނު 9:00 ން 20:00 އަށް އެތަން ހުޅުވިފައި ހުންނާނެ ކަމަށާއި އިންޑޯޕްލޭ ގްރައުންޑް ބޭނުން ކުރެވޭނީ 10 އަހަރުން ދަށުގެ ކުދިންނަށް ކަމަށް ވެސް އައިޕްލޭ ހައުސް އިން ބުނެފައިވެއެވެ.

Advertisement

ތުރްކިޔޭ އާއި ސީރިޔާ ގައި ހާލުގައި ޖެހިފައި ތިބި ފަރާތްތަކަށް އެހީވުމަށް ދުނިޔޭގެ އެހެން ޤައުމުތަކެކޭ އެއްގޮތަށް ރާއްޖެއިން ވެސް މިދަނީ މަސައްކަތް ކުރަމުންނެވެ.

އެގޮތުން ރާއްޖޭގެ ސަރުކާރުން މިހާރުވަނީ އެދެޤައުމަށް މަސްދަޅު ހަދިޔާ ކުރުމަށް ވަނީ ނިންމާފައެވެ. އައިއޯސީ ގެ ޓީމެއް ޑރ މުޙައްމަދް ޢަލީ ހިމެނޭގޮތަށް މިހާރު ވަނީ ސީރިޔާ އަށް ގޮއްސައެވެ. އަދި މގެ އިތުރުން ރާއްޖޭގެ ރެޑްކްރޮސެންޓުން ވެސް ވަނީ އެހީ ހޯދުމުގެ މަސައްކަތް ފަށައިފައެވެ.