އިޤްތިސާދީ ގޮތުންނާއި ސިޔާސީގޮތުން އަންހެނުން ބާރުވެރިވާ ނިސްބަތް ދެނެގަތުމަށްޓަކައި ވިމެން އެންޑް ޑިމޮކްރަސީއިން ހާއްސަ ދިރާސާއެއް ކުރިއަށް ގެންދަން ނިންމައިފިއެވެ.

ވިމެން އެންޑް ޑިމޮކްރަސީ ޖަމިޢްޔާއިން ކުރިއަށް ގެންދާ  މިދިރާސާގައި މައިގަނޑު ގޮތެއްގައި ބެލެވިގެންދާނީ، ދައުލަތުގެ 5 އަހަރުގެ ސްޓްރެޓީޖިކް އެކްޝަލް ޕްލޭންގެ ދަށުން އަންނަނިވި ސުރުހީތައް ތަންފީޒު ކުރެވިފައިވާ މިންވަރު ނިސްބަތުން ދެނެގަތުމުގެ މަށްޗަށެވެ.

މި ދިރާސާގައި ބަލާނީ ތަންފީޒީ މަގާމުތަކުގައި ތިބޭ އަންހެނުންގެ އަދަދު އިތުރުކުރުން، އަންހެނުންގެ ތަރައްގީއަށް މަސައްކަތް ކުރާ ޖަމިއްޔާތައް ބާރުވެރި ކުރުން، އަންހެނުންގެ ތަރައްގީއަށް މަސައްކަތް ކުރާ ޖަމިއްޔާތައް ބާރުވެރި ކުރުން އަދި އަންހެން ވިޔަފާރިވެރިންނަށް ފައިސާ ލިބޭނެ ފަހި ގޮތްތައް އިންތިޒާމް ކޮށްދިނުން  މިކަންކަމުގެ މައްޗަށެވެ.

Advertisement

މި ދިރާސާގައި ސަރުކާރުގެ ޖުމްލަ 14 އިދާރާ އަކުން މައުލޫމާތު ލިބިގަނެވި އެމައުލޫމާތުގެ މަށްޗަށް ތަފާސްހިބުތައް އަންދާޒާ ކުރެވެމުންދާނެކަމަށް އެޖަމިޢްޔާއިން ދެންނެވިއެވެ. މައުލޫމާތު ލިބިގަނެވުނު އިދާރާ ތަކުގެ ތެރޭގައި ރަޢީސް އޮފީސް، ރައްޔިތުންގެ މަޖިލީސް، ޖެންޑަރ މިނިސްޓްރީ، އިކޮނޮމިކް މިނިސްޓްރީ، ލޯކަލް ގަވަރމެންޓް އޮތޯރިޓީ، ޑިޕަރޓްމެންޓް އޮފް ޖުޑީޝަލް އެޑްމިނިސްޓްރޭޝަން، މޯލްޑިވްސް މަނަޓެރީ އޮތޯރިޓީ އަދި މޯލްޑިވްސް ބިޔުރޯ އޮފް ސްޓެޓިސްޓިކްސް ފަދަ ކަމާބެހޭ ސަރުކާރުގެ އިދާރައް ހިމެނެއެވެ.

މިދިރާސާގެ ނަތީޖާ އަންނަ އެޕްރީލް މަހުގެ ތެރޭގައި ސަރުކާރުގެ ކަމާބެހޭ މުއައްސަސާތަކާއި ޕްރައިވެޓް ސެކްޓަރ އަދި މަދަނީ ޖަމިޢްޔާތަކާއި ހިއްސާކުރެވިގެންދާނެއެވެ. އަދި އެ ޖަމިޢްޔާގެ މީސް މީޑިޔާތަކުގައި ޝާއިރުކުރެވިގެންދާނެވެ.

2016 ވަނަ އަހަރު އުފެދުން ވިމެން އެންޑް ޑިމޮކްރަސީ އަކީ މިންތީ ތަފާތުތައް ނައްތާލައި، ހުރިހާ މައިދާނެއްގައި އަންހެނުން ބާރުވެރިކޮށް، ހަމަހަމަ ފުރުޞަތު ހޯދައިދިނުމަށްޓަކައި އެތައް މަސައްކަތްތަކެއް ކުރަމުން އަންނަ ހިންގުންތެރި ޖަމިއްޔާއެކެވެ. ޖަމިޢްޔާގެ މަސައްކަތްތައް ފާހަގަކޮށް ދުނިޔޭގެ ބޮޑެތި ބައިނަލްއަޤުވާމީ ޖަމިއްޔާތައް ކަމުގައިވާ ކޮމަންވެލްތް ފައުންޑޭޝަން، ޔޫ އެސް ޑިޕަރޓްމެންޓް އޮފް ސްޓޭޓް އަދި ޔުނައިޓެޑް ނޭޝަންސް ޔޫތް އެންވޯއީސް އޮފީސް ފަދަ މުއައްސަސާތަކުން ވަނީ އެބޭފުޅުންގެ އަގުވަޒަންކޮށްފައެވެ.