ހުޅުމާލޭގައި ހެދި ސަރުކާރުގެ އޮފީސް އިމާރާތް، ރައީސް އިބްރާހިމް މުހައްމަދު ޞާލިހު މިއަދު ހުޅުވައިދެއްވައިފި އެވެ.

ދައުލަތަށް ގިނަ ދުވަހު ޚިދުމަތްކުރެއްވި އިއްޒަތްތެރިއެއްކަމަށްވާ ނިޝާން ޢިއްޒުއްދީނުގެ ލަގަބު ލިބިވަޑައިގެންފައިވާ އަލްމަރުހޫމް ޢުމަރު ޒާހިރުގެ ނަންފުޅުން ނަންދީފައިވާ އެ އޮފީސް ޢިމާރާތް ހުޅުއްވައިދެއްވުމުގެ ގޮތުން ރައީސް ވަނީ އެ އިމާރާތުގައި ގައުމީ ދިދަ ނަންގަވައިދެއްވާފަ އެވެ.

ގްރައުންޑް ފްލޯ އަދި ފުރަތަމަ ފަންގިފިލާ - ޕާކިންގ އޭރިއާ 

2 ވަނަ ފަންގިފިލާ - މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސަރވިސަސް3 ވަނަ ފަންގިފިލާ – މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން

4 ވަނަ ފަންގިފިލާ – އެމެރިކަން އެމްބަސީ

5 ވަނަ ފަންގިފިލާ – މިނިސްޓްރީ އޮފް ހަޔަރ އެޑިއުކޭޝަން

6 ވަނަ ފަންގިފިލާ – ކުދި މީޓިންގ ރޫމްތަކާއި ސެމިނާ ރޫމްއެއް އަދި ޓެރަސްއެއް

އައު އިމާރާތަށް ބަދަލު ކުރުމަށް ހަމަޖެހިފައިވާ އޮފީސްތަކުގެ ތެރެއިން ތެރެއިން ޖެންޑާ މިނިސްޓްރީ މިހާރު ވަނީ އެތަނަށް ބަދަލުކޮށްފައެވެ. އަނެއް ދެ މިނިސްޓްރީ ވެސް ކުރިއަށް އޮތް ހަފްތާގައި އެ އިމާރާތަށް ބަދަލުކުރުމުގެ މަސައްކަތް ކުރަމުންދާ ކަމަށް ޕްލޭނިންގެ މިނިސްޓަރު މުހައްމަދު އަސްލަމް މިއަދު ވަނީ ވިދާޅުވެފަ އެވެ. 

މި އޮފީސް އިމާރާތުގެ ކޮންމެ ފަންގިފިލާއެއްގައި 25،000 އަކަފޫޓުގެ ޖާގަ ހުންނާނެކަމަށް ޕްލޭނިންގ މިނިސްޓްރީން ބުނެއެވެެ. މިއީ ސަރުކާރުން 185 މިލިއަނަށްވުރެ ގިނަ ރުފިޔާ ޚަރަދުކޮށްގެން އިމާރާތްކޮށްފައިވާ ތަނެކެވެ.