ޔުނައިޓެޑް ނޭޝަންސް އެއިޑްގެ 100 އަށް ވުރެ ގިނަ ޓްރަކް ސީރިޔާގެ ހުޅަނގު އުތުރަށް ވަދެފައިވާކަމަށް ޔޫއެން އިން ހާމަކޮށްފިއެވެ.

"ޔޫއެން އިން މިދަނީ ތުރުކިޔާއިން ސީރިޔާ އަށް ވަދެވެން އޮތް ތިން މަގު ކަމަށްވާ ބާބް އަލް ހަވާ، ބާބް އަލް ސަލާމް އަދި އަލް ރާއީ އިން ވަދެ ސީރިޔާގެ ހުޅަނގު އުތުރުގެ ޕްރޮވިންސް ތަކަށް އެހީގެ ސާމާނު ފޯރުކޮށް ދެވޭތޯ ބަލަމުން" ޔޫއެން އިން ނެރެފައވާ ބަޔާނެއްގައި ބުނެފައިވެއެވެ.

ވަގުތީ ބޯހިޔާ ވަހަކަން ބޭނުންވަނީ ކިހާ ބަޔަކަށްތޯ ޔަޤީން ކުރުމުގެ މަސައްކަތް ކުރިއަށް ދާކަމަށްވެސް ބުނެފައިވެއެވެ.

Advertisement

ޔޫއެންއިން ސީރިޔާ އަށް ކަނޑައަޅުއްވައިފައި ހުންނަ ހިޔުމަންޓޭރިއަން ކޯޑިނޭޓަރ މުހައްނަދް ހަދީ ވިދާޅުވީ ބެލެވޭ ގޮތުގައި ކުރިއަށް އޮތްތަނުގައި ސީރިޔާގައި މަރުވި މީހުންގެ ޢަދަދު ދާނީ އިތުރުވަމުންނެވެ. އިތުރު ރެސްކިޔު ޓީމުތަކުން އާލާތް ތަކާއި އެކު ކުރާ މަސައްކަތުން ވެއްޓީ ހަލާކުވެފައިވާ ޢިމާރާތް ތަކުގެ ކޮންސްޓްރަކްޝަން ތަކާއި ގައިތައް އެއްފަރާތް ކުރެވެމުން ދާވަރަކަށް މަރުވެފައި ހުރި ހަށިގަނޑުތައް ނެރެވޭ މިންވަރު ގިނަ ވެދާނެ ކަމަށް ލަފާ ކުރެވޭ ކަމަށް ވެސް އޭނާ ވިދާޅުވިއެވެ.

"އުންމީދު މިކުރަނީ މިޢަދަދު މައްޗަށް އަރައިގެން ނުދާނެ ކަމަށް، އެކަމަކު މި ސަރަހައްދުން މިފެންނަ މަންޒަރުތަކުން މާ ބޮޑު އުއްމީދެއް މުހައްނަދް ވިދާޅުވިއެވެ.

ސީރިޔާގެ ހޮސްޕިޓަލް ތަކުން މިވަގުތު ދަނީ ބިންހެލުން ތަކަށް ފަހު ފަރުވާއަށް ގެނެވުނު މީހުންނަށް ފަރުވާ ދެވޭނެ ވަސީލަތް ނެތި އެކަމުގެ ދަތިތަކަން ތަހައްމަލު ކުރަމުންނެވެ. ޑޮކްޓަރުން ދަނީ ބައިނަލް އަޤްވާމީ ފަރާތްތަކުން ސިއްޙީ ވަސީލަތް ތަކާއި ބޭސް ފޯރުކޮށްދިނުމަށް އެދެމުންނެވެ.

ސީރިޔާގައި ބޯހިޔާވަހިކަން ގެއްލި ވަގުތީ ހިޔާ ތަކުގައި ދިރިއުޅެމުންދާ މީހުންގެ ތެރޭގައި ގައިން ގަޔަށް އަރާ ނުރައްކާތެރި ބަލިތައް ފެތުރިގެން ދިޔުމުގެ ފުރުސަތު ބޮޑުކަމަށް ރެޑް ކްރޮސްއިން ވަނީ ބުނެފައެވެ.

"އެމީހުން ދިރިއުޅެމުންއެދަނީ ސްކޫލް ތަކުގައި ވަރަށް ފިނި ކްލާސްތަކުގައި،  ވަރަށް ދެރަ ހާލަތް ތަކެއްގައި، މިގޮތައް މިހާލަތުގައި އެމީހުން ގިނަ ދުވަސް ތަކެއް ވަންދެން ތިބެން ވެއްޖެނަމަ ގިނަ ސިއްހީ މައްސަލަތަކެއް ކުރިމަތިވެދާނެ" ރެޑް ކްރިސެންޓުން ބުނެފައިވެއެވެ.