ޢާންމުގެ ޓެކްސް އިން މުސާރަ ހޯއްދަވައިގެން ޚިދްމަތް ކުރައްވަން ހުންނަވާ، ޚާދިމަކު މިފެންވަރަށް ވެއްޓުނީމައި ވަރަށް ހުތުރު ކަމަށް ވިދާޅުވެ ރާއްޖޭގެ ކުރީގެ ނައިބް ރައީސް މުހައްމަދް ޖަމީލް ވިދާޅުވެއްޖެއެވެ.
ޖަމީލް މިހެން ވިދާޅުވީ ރައީސް އިބްރާހިމް މުޙައްމަދު ޞާލިޙަށް އެމްޑީޕީގެ ރިޔާސީ ޓިކެޓް ހަވާލު ކުރުމަށް ބޭއްވި ޖަލްސާގައި، ދާދި ފަހަކުން އިންޑިޔާ އަށް ބޭސް ފަރުވާ އަށް ގޮސް ހުއްޓައި ހައްޔަރު ކޮށް ޑިޕޯޓު ކޮށްލި ޕީޕީއެމް ހުޅުމާލެ ދާއިރާގެ ރއީސް އަދި އިންޑިއާ އައުޓް ހަރަކާތުގައި އެކްޓިވިސްޓް އަބްދުއްޞަމަދުގެ މައްސަލައިގައި ޞަމަދުއަށް ރައްދުވާ ގޮތަށް ވާހަކަ ދެއްކެވެމުގައި ހަޖޫޖެއްސެވުމާއި ގުޅިގެންނެވެ.
މިނިސްޓަރ މާރިޔާގެ ވާހަކަގައި ވިދާޅުވީ ތިޔަބޭފުޅުންނަށް މިދޭތެރެއިން މީޑިއާތަކުގައި އުޅުނު ވަރަށް ބާރަށް ކޮންމެ ރެޔަކު އަޅުގަނޑުމެންގެ އަވައްޓެރި ޤައުމުގެ މިލިޓަރީއާ ދިމާލަށް ގޮންޖައްސަވައި އެކި ގޮތްގޮތަށް ވާހަކަދެއްކެވި ބޭފުޅުންގެ ތެރޭގައިވެސް އެ ފައުޖުގެ ކުރީގައި ދިދަ ހުންނަވާ ބޭފުޅެއް، ތުނބުޅި ބާލައްވައިގެން އާއިލާއާއެކު ވަޑައިގަތީ އިންޑިއާއަށް ކަމަށެވެ. ދެން އެނބުރި ވަޑައިގެންނެވިއިރު ކެމެރާތައް ހުރީ އޭނާއަށް އަމާޒުވެފައި ކަމަށާއި، މޫނުގައި އަތް އަޅުއްވައި ކީރިތިކުރެއްވިހެން ހީވިކަމަށްވެސް މާރިޔާ ވިދާޅުވިއެވެ.
"ކެމެރާތައް ހުރީ އަޅުވާފައި. [ސަމަދުބެ] ވަޑައިގެން ވާހަކަދައްކަވަމުން އަޅުގަނޑުމެންނަށް ފެނުނީ މިހެން މޫނުގައި އަތް އަޅުއްވައި، އަޅުގަނޑަށް ހީވީ ކުޑަކޮށް ކީރިތިކުރެއްވިހެން،" ސަމަދުއަށް ހަޖޫޖައްސަވަމުން މާރިޔާ ވިދާޅުވިއެވެ.
މާރިޔާގެ މިވާހަކަ ތަކަށް ރައްދު ދެއްވައި ޖަމީލް ކުރައްވާފައިވާ ޓްވީޓެއްގައި މިނިސްޓަރ މާރިޔާގެ ތިން ފޮޓޯއަކާއި އެކު ކުރައްވާފައިވާ ޓްވީޓެއްގައި ވަނީ، މާރިޔާ ހުންނެވީ ސަމަދުބޭފަދަ ޢާންމު ރައްޔިތުންގެ ޓެކްސްއިން މުސާރަ ހޯއްދަވައިގެން ޚިދުމަތް ކުރަން ކަމަށާ، އޭނާ އަކީ އެންމެންގެ ޚާދިމެއް ކަމަށެވެ.
"މިވަރު އަޚްލާގެއް ނެތް ބޭކަނބަލެއް އަދި މިމަގާމް ނުފުރާ. ހާދަ ގޮތެއް ނެތޭ. މިއަދު ތި ހުންނެވީ ސަމަދުބޭފަދަ ޢާންމު ރައްޔިތުންގެ ޓެކްސްއިން މުސާރަ ހޯއްދަވައިގެން ޚިދުމަތް ކުރަން. އެންމެންގެ ޚާދިމާއެއް. ތިފެންވަރަށް ވެއްޓުނީމަ ވަރަށް ހުތުރު" މާރިޔާ ވިދާޅުވިއެވެ.
މާރިޔާ ޞަަމަދު އަށް ހަޖޫ ޖަހައި ވާހަކަ ދެއްކުމުގެ ސަބަބުން ސިޔާސީ ގިނަ ބަޔަކު ދސަނީ މާރިޔާއަށް ފާޑު ކިޔަމުންނެވެ. އިދިކޮޅު ފަރާތްތަކުގެ އިތުރުން އެމްޑީޕީގެ އެތެރޭންވެސް އެކަމަނާއަށް ފާޑުކިޔުން އައިސްފައިވެއެއެވެ.
Advertisement
This content is created and paid for by advertisers and does not involve Voice Journalists
