ތުރްކިޔޭ އާއި ސީރިޔާއަށް މީގެ ހަފްތާއެއްހާ ދުވަސް ކުރިން އައި ބިންހެލުމުގައި ސީރިޔާގައި ވެއްޓުނު އިމާރާތެއްގެ ދަށުގައި އޮތް މާބަނޑު އަންހެނަކު ވިހެއި ކުއްޖެއްގެ ވާހަކަ ގިނަ މުޅި ދުނިޔޭހގެ ސަމާލުކަމަށް އައިސް ފައިވެއެވެ.

ވެއްޓިފައި އޮތް އިމާރާތުގެ ދަށުގައި އޮވެ ކުއްޖާ ވިހެއުމަށް ފަހު އެކުއްޖާގެ މަންމަ ވަނީ ނިޔާވެފައެވެ. ވެއްޓިފައިވާ ފާރުތަކުގެ ދަށުން އެތުއްތު ކުއްޖާ ނެގުމަށްފަހު ފަރުވާއަށް ގެންގޮސްފައިވަނީ އަފްރިން ޑިސްޓްރިކްޓް ގައި ހުންނަ ޖިހާން ހޮސްޕިޓަލަށެވެ.

އާއިލާއާއި ދެތަންވެ ތުއްތު ކުއްޖާ ފަރުވާ އޮތީ ހޮސްޕިޓަލުގައެވެ. އެއަށްފަހު އެކުއްޖާ އަކީ ކާރިސާގައި ނިޔާވި ދެމަފިރިން ކަމަށްވާ އަބްދުﷲ އަދި އަފްރާ މިލެއިހަން ގެ ދަރިއެއްކަން އެނގުނެވެ. ކަމާބެހޭ ފަރާތްތަކުން އިތުރަށް ބެލި ބެލުމުން އެނގުނީ އެކުއްޖާގެ އެއްބަނޑު އެއްބަފާ އެހެން ކުދިންވެސް ބިންހެލުމުގައި ނިޔާވިކަމެވެ.

ބިންހެލުމަށް ފަހު އިމާރާތުގެ ދަށުން ނަގައިގެން ގެންދިޔަ ގޮތަށް ކުއްޖާ އޮތީ ހޮސްޕިޓަލުގައެވެ. އޭނާގެ ބޮޑުދައިތަ އާއި ބޮޑުދައިތަގެ ފިރިމީހާ އާއި އެނާ ހަވާލު ކޮށްފައިވަނީ މިއަދުއެވެ. އޭނާގެ ބޮޑުދައިތަގެ ފިރިމީހާ ވަނީ، ބިންހެލުމުގެ ތިން ދުވަސް ފަހުން އުފަންވި އޭނާގެ ދަރިފުޅެކޭ އެއްގޮތަށް އެކުއްޖާ ބޮޑު ކުރާނެ ކަމަށް ބުނެފައެވެ.

"މި ކުޑަ ކޮއިފުޅަކީ އަހަރެމެންނަށް ވަރަށް މުހިންމު ކުއްޖަކަށްވާނެ، އޭނަގެ އާއިލާގެ އެއްވެސް މީހަކު ސަލާމަތެއް ނުވޭ، މިކޮއެފުޅު ނޫން، މިކުއްޖާ ވާނީ އޭނާގެ މައިންބަފައިންގެ ހަނދާނީ ޒިކުރާއަކަށް، އަހަނަށްވެސް، އޭނާގެ ބޮޑު ދައިތައަށްވެސް، ގާތް ތިމާގެ އެންމެންނަށްވެސް، އަދި ކީއްތަ އަހަރެމެންގެ ވިލެޖްގެ އެންމެންނަށްވެސް އެދެމީހުންގެ ހަނދާނަކަށް މިކޮއެފުޅުވާނެ" އެކުއްޖާގެ ބޮޑު ދައިތަގެ ފިރިމީހާ ކިޔައިދީފައި ވެއެވެ.

ކުއްޖާ އާއި ހަވާލުވި ބައްޕަ ފަރާތު ބޮޑު ދައިތަ ހާލާ އާއި އެނާގެ ފިރިމީހާ ޙަލީލް ވަނީ އެކުއްޖާގެ މަންމަ އަފްރާ ގެ ނަމުން އެކުއްޖާއަށް ނަންދީފައެވެ.