ތުރްކިޔޭ އާއި ސީރިޔާ އަށް މީގެ ހަފްތާއެއްހާ ދުވަސް ކުރިން އައި ބިންހެލުމުގައި ވެއްޓުނު އިމާރާތްތަކުގެ ދަށުން މީހުން ހޯދުމާއި ސަލާމަތް ކުރުމަށް ތުރްކިޔޭގައި ހިންގަމުންދާ "ސާރޗް އެންޑް ރެސްކިޔު" ދެ ސަރަހެއްދެއް ފިޔަވައި އެހެން ހުރިހާ ތަނެއްގައި ނިންމާލައިފިއެވެ.
"ބިންހެލުމާއި ގުޅިގެން މަރުވި މީހުންގެ ޢަދަދު 46،642 އަކަށް މިވަނީ އަރައިފައި، އިމާރާތްތަކުގެ ކޮންސްޓްރަކްޝަން ފާރުތަކުގެ ދަށުގައި ތާށިވެފައި މީހުން ތިބިތޯ އާއި މީހުން ތިބިނަމަ، އެމީހުން ސަލާމަތް ކުރުމަށް ކުރެވުނު މަސައްކަތް ގިނަ ޕްރޮވިންސް ތަކުގައި މިވަނީ ނިމިފައި" އޭއެފްޑިއޭގެ ހެޑް ޔޫނިސް ސެޒަރް މީޑީއާތަކަށް ބުނެފައިވެއެވެ.
"ޤަބޫލް ކުރެވޭ ގޮތުގައި ސާރޗް އެންޑް ރެސްކިޔު އޮޕަރޭޝަންސް މާދަމާރެއަށް ނިންމާލެވޭނެ ކަމަށް" ޔޫނިސް އިތުރަށް ބުނެފައިވެއެވެ.
7.8 މެގްނިޑިއުޑް ގައި ތުރްކިޔޭ އާއި ސީރިޔާ އަށް އައި މިބިންހެލުމުގައި 46،000 އަށް ވުރެ ގިނަ މީހުން މަރުވެފައި ވާއިރު މިލިއަނަކަށް ވުރެ ގިނަ މީހުން ވަނީ ބޯހިޔާ ވަހިކަންގެއްލިފައެވެ.
"އަހަރެމެން މިހާރު މިތިބީ ތާރީޚުގައި ވެސް ދިމާވި އެންމެ ބޮޑު ކާރިސާއާއި ކުރިމަތިލައިގެން، ބިންހެލުންތަކާއި އާފްޓަރޝޮކްސް ތަކުގެ ސަބަބުން ލިބުނު ގެއްލުންތައް ވަރަށް ބޮޑު، 11 ޕްރޮވިންސަކަށް އަސަރުކޮށް ގެއްލުން ލިބިފައިވޭ" ޔޫނިސް ބުނެފައިވެއެވެ.
ސީރިޔާގެ 5800 މީހުން މަރުވެފައި ވާކަން ޔަޤީން ކުރެވިފައިވާއިރު މިނަމްބަރަށް ބަދަލެއް ނާންނަތާ ދެތިން ދުވަހެއް ވަނީ ވެފައެވެ. ޑަބްލިޔު އެޗްއޯ އިން ބުނެފައިވަނީ ތުރްކިޔޭ އާއި ސީރިޔާގައި 26 މިލިއަން މީހުން އިންސާނީ އެހީ އަށް ބޭނުންޖެހިފައިވާކަމަށެވެ.
Advertisement
This content is created and paid for by advertisers and does not involve Voice Journalists
