އިންޑީޔާއިން ރާއްޖެއަށް ކަނޑައަޅުއްވައިފައި ހުންނަ ހައިކޮމިޝަނަރ ޝްރީ މުނޫ މަހާވަރް ކުޅުދުއްފުށީގައި ހުންނަ ކުޅުދުއްފުށީ ރީޖަނަލް ހޮސްޕިޓަލަށް ޒިޔާރަތް ކުރައްވައިފިއެވެ.
އިންޑިޔާގެ ހައިކޮމިޝަނަރ ކުޅުދުއްފުށީ ހޮސްޕިޓަލަށް ޒިޔާރަތްކުރައްވަނީ. ފޮޓޯ/ ކުޅުދުއްފުށީ ހޮސްޕިޓަލް
މި ޒިޔާރަތުގައި ކުޅުދުއްފުށީ ރީޖަނަލް ހޮސްޕިޓަލްގެ ސީއީއޯ އަހްމަދް ދާއޫދް އާއި ބައްދަލު ކުރައްވައި އެ ހޮސްޕިޓަލްގެ އެކިއެކި ޑިޕާޓްމެންޓްތަކަށް ޒިޔާރަތް ކުރައްވައި އެތަންތަން ބައްލަވައިލައްވައިފައިވެއެވެ.
ހޮސްޕިޓަލުގެ ތަންތަން ބައްލަވައިލައްވަނީ. ފޮޓޯ/ ކުޅުދުއްފުށީ ހޮސްޕިޓަލް
ހައިކޮމިޝަނަރ ވަނީ އިންޑިޔާއާއި ރާއްޖެ އާއި ދެމެދު އޮތް ދުވަސްވީ ގުޅުމާއި މެދު ވާހަކަފުޅު ދައްކަވައިފައިވެއެވެ. އަދި ސިއްޙީ ދާއިރާއަށް ބޭނުންވާ މީހުން އިތިރުކޮށް ތަމްރީނު ކުރުމާއި މެދު މަޝްވަރާ ކުރެވިފައިވެއެވެ.
Advertisement
This content is created and paid for by advertisers and does not involve Voice Journalists
