ސައުދި ސަރުކާރުން މިއަހަރު ހައްޖަށް ދިޔުމަށް 1000 ހައްޖު ކޯޓާ ލިބިފައިވާ ކަމަށް އިސްލާމިކް މިނިސްޓަރ އަހްމަދު ޒާހިރު އަލީ ވިދާޅުވެއްޖެއެވެ.
އެގޮތުން މިނިސްޓަރ މިއަދު ކުރެއްވި ޓްވީޓެއްގައި ވިދާޅުވެފައިވަނީ ސައުދި ސަރުކާރުން ދިވެހި ރާއްޖެއަށް ދެއްވާ ރަސްމީ 1000 ހައްޖު ކޯޓާ މިހާރު ވަނީ ލިބިފައި ކަމަށެވެ.
އަދި އިތުރު ކޯޓާ ހޯދުމުގެ މަސައްކަތް ކުރަމުން ގެންދާ ކަމަށް ވެސް މިނިސްޓަރ ވިދާޅުވެފައިވެއެވެ.
ކޮވިޑް ކޮންޓްރޯލް ކުރުމަށްޓަކައި އެޅި ވަރުގަދަ ފިޔަވަޅުތަކާއެކު އެ އަހަރުގެ ހައްޖުގައި ސައުދިން ބައިވެރިކުރުވީ އެންމެ 10،000 މީހުންނެވެ.
އެއަށްފަހު ކޮވިޑާއި ގުޅިގެން އެޅި ފިޔަވަޅުތަކަށް ލުއި ދިނުމަށްފަހު މިދިޔަ އަހަރު ސައުދީން ވަނީ އެއްމިލިއަން މީހުންނަށް ހައްޖު ކޯޓާ ދޫކުރި ނަމަވެސް އުމުރުން 65 އަހަރުން މަތީގެ މީހުންނަށް މި ފުރުސަތު ދީފައެއް ނުވެއެވެ.
ނަމަވެސް ސަޢުދީ އަރަބިއްޔާގެ ޙައްޖާއި ޢުމްރާއާބެހޭ ވަޒީރު ތައުފީޤުއް ރަބީޢަތި ވިދާޅުވި ގޮތުގައި މި އަހަރުގެ ޙައްޖު އޮންނާނީ ކޮވިޑް 19 ގެ ކުރީގެ ޙާލަތާ އެއްގޮތަށް ޢުމުރުގެ އެއްވެސް ޤައިދެއް ނެތިއެވެ.
މިދިޔަ އަހަރު ދޫކޮށްފައިވާ ކޯޓާގެ ތެރެއިން 850,000 ފުރުސަތު ހާއްސަކޮށްފައިވަނީ ބޭރު ގައުމުތަކުގެ މީހުންނަށެވެ. ސައުދީ ރައްޔިތުންނަށް ކަނޑައަޅައިފައި ވަނީ 150،000 ކޯޓާއެވެ. އަދި ރާއްޖެއަށް ދޫކޮށްފައި ވަނީ، 453 ކޯޓާއެވެ.
Advertisement
This content is created and paid for by advertisers and does not involve Voice Journalists
