ތުރްކިޔޭ އަށް 5.3 މެގްނެޓިޔުޓްގެ ބާރުމިނުގެ ބިންހެލުމެއް އަތުވެއްޖެއެވެ.

މި ބިންހެލުން އައިސްފައިވަނީ ޖީއެމްޓީ ގަޑިން 10:27 ގައި ތުރްކިޔޭގެ ބޮރް ޑިސްޓްރިކް އަށެވެ. ތުރްކިޔޭގެ ޑިޒާސްޓަރ މެނޭޖްމަންޓުން ބުނެފައިވަނީ މިއަދު އައި ބިންހެލުމުގައި އެއްވެސް މީހަކަށް އަނިޔާއެއް ވެފައެއް ނުވެއެވެ.

ތުރްކިޔޭގެ ނައިބް ރައީސް ފުއާތް އޮކްޓޭ ވިދާޅުވީ ރެސްކިޔު ޓީމުން އޮތީ އެމަރޖެންސީ ހާލަތަކަށް އޮތީ ތައްޔާރަށް ކަމަށެވެ.

"އަދި އެއްވެސް ނެގެޓިވް ސިޓުއޭޝަނެއް ނެތް، ﷲ އަޅަމެން އެންމެނާއި އަޅަމެންގެ ޤައުމު އެންމެހާ މުސީބާތް ތަކުން ސަލާމަތް ކުރައްވާށި" ޓްވިޓާގައި ފުއާތް ވިދާޅުވެފައިވެއެވެ.

ބޮރް ޑިސްޓްރިކްޓް އޮންނަނީ ސީރިޔާ އާއި ތުރްކިޔޭގެ ބޯޑަރު ކައިރީގައެވެ. އަދި އެއީ މީގެ ދެހަފްތާ އެއްހާ ދުވަސް ކުރިން އައި ބާރުގަދަ ބިންހެލުންތައް އައި ސަރަހައްދުގެ ކައިރިއެވެ.

އެ ބިންހެލުން ތަކުގައި ތުރުކިޔޭ އިން 44،000 ހާ މީހުން ވަނީ ނިޔާވެފައެވެ. މިބިންހެލުން ތަކުގައި ތުރްކިޔޭގެ 11 ޕްރޮވިންސަކަށް ވަނީ ބިންހެލުމުގެ އަސަރު ކޮށްފައިވެއެވެ.

ބިންހެލުންތަކުގެ ފަހުން 9،000 އެއްހާ "އާފްޓަރޝޮކް" އައިކަމަށް ކަމާއިބެހޭ  ފަރާތްތަކުން ވަނީ ބުނެފައެވެ. މި ކާރިސާ ތަކާއި ގުޅިގެން ތުރްކިޔޭ އިން 173،000 އިމާރާތް ވަނީ ބޭނުން ނުކުރެވެ ވަރަށް ހަލާކުވެފައެވެ. އެއްބައި އިމާރާތްތަށް ވެއްޓި ބިމާއި ހަމަވެފައި ވާއިރު އަނެއް ބައި އިމާރަތްތައް ވަނީ ބިންހެލުމުގެ ސަބަބުން ރެނދުލައި ވަރަށް ބޮޑެތި ގެއްލުން ތަކެއް ވެފައެވެ.