ތުރްކިޔޭގެ މަލަތްޔާ ޕްރޮވިންސަށް 5.6 މެގްނެޓިޔުޓް ގެ ބާރު މިނުގައި އައި ބިންހެލުމުގައި އެސަރަހައްދުން 69 މީހުން ޒަހަމްވެފައި ވާކާމަށް ތުރްކިޔޭގެ ޑިޒާސްޓަރ މެނޭޖްމަންޓް އޮތޯރޓީގެ ހެޑް ޔޫނުސް ސެޒަރް ވިދާޅުވެއްޖެއެވެ.
ޔޫނުސް ވިދާޅުވީ މިއަދުގެ ހާދިސާގައި މަރުވެފައި ވާކަން އަދި ޔަޤީން ކުރެވިފައިވަނީ އެންމެ މީހެއް ކަމަށެވެ.
ތުރްކިޔޭގެ މީޑިއާ އެއް ކަމަށްވާ ޑެއިލީ ސޮބާޙް ގައި ބުނެފައިވަނީ ބައެއް އިމާރާތްތައް ފުނޑުފުނޑުވެ ބިމާއި ހަމަވެފައިވާ ކަމަށާއި، ރެސްކިޔު ޓީމްތަކުން މީހުން ސަލާމަތް ކުރުމުގެ މަސައްކަތް މިހާރު ފަށައިފައިވާކަމަށެވެ.
"މަލަތްޔާ ޕްރޮވިންސަށް އައި 5.6 މެގްނެޓިޔުޓްގެ ބިންހެލުމާއި އެކު އެސަރަހައްދުގެ ބައެއް އިމާރާތްތައް ވަނީ ވެއްޓިފައި، އަހަރެމެންގެ ސާރޗް އެންޑް ރެސްކިޔު ޓީމްތަކުން މިހާރު ވަނި މަސައްކަތް ފަށައިފައި" އޭއެފްޑީއޭ އިން ބުނެފައިވެއެވެ.
ބިންގަނޑު ހެލެން ފެށުމާއި އެކު އިމާރާތްތަކުން ނުކުތް އާންމު ރައްޔިތުންނަށް އޭއެފްޑީއޭ އިން އަންގައިފައިވަނީ އަރިއަޅައިލައި ފައި ހުރި އިމާރާތްތަކާއި ގެއްލުން ވެފައި ހުރި އިމާރާތް ތަކުގެ އެތެރެއަށް ނުވަނުމަށެވެ. މަލަތްޔާ ޕްރޮވިންސްގެ އިތުރުން ކަހްރަމަންމަރާސް، ގަޒިޔަންޓެޕް، އަދިޔްމަން އަދި ސަންލިރުފާ އަށް ވެސް މިއަދު އައި ބިންހެލުމުގެ އަސަރު ވަނީ ކޮށްފައެވެ.
Advertisement
This content is created and paid for by advertisers and does not involve Voice Journalists
