މިމަހުގެ 22 ވަނަ ދުވަހުގެ ރޭ އަވަހާރަވެފައިވާ ރައްޔިތުންގެ މަޖިލީހުގެ ކ. ގުރައިދޫ ދާއިރާގެ މެންބަރު އިބްރާހިމް ރިޒާގެ ހަނދާނުގައި ރައްޔިތުންގެ މަޖިލިހުގައި ތަޢުޒިޔާގެ ދަފްތަރެއް ހުޅުވައިފިއެވެ.
ރިޒާގެ ހަނދާނުގައި މަޖިލީހުގައި ހުޅުވާފައިވާ ތައުޒިޔާގެ ދަފްތަރުގައި ރައްޔިތުންގެ މަޖިލިހުގެ ރައީސް މުހައްމަދު ނަޝީދު އިއްޔެ ވަނީ ސޮއި ކުރައްވާފައެވެ.
ރިޒާ އަވަހާރަވީ ކެންސަރުގެ އާލާސްކަންފުޅަށް މެލޭޝިޔާގައި ފަރުވާ ހޯއްދަވަމުން ގެންދަވަނިކޮށެވެ.
ރިޒާއަކީ އިދިކޮޅު ޕީޕީއެމްއަށް ނިސްބަތްވެ ވަޑައިގަންނަވާ މެމްބަރެކެވެ. އަދި އޭނާ އަކީ 17 ވަނަ ރައްޔިތުންގެ މަޖިލީހުން ފެށިގެން ކ. ގުރައިދޫ ދާއިރާގެ މެމްބަރުކަން ކުރައްވަމުން ގެންދެވި ފަރާތެވެ.
މަޖިލީހުގެ މެންބަރެއްގެ އިތުރުން ކުރީގެ ރައީސް ޔާމީންގެ ސަރުކާރުގައި ޖުޑީޝަލް ސާވިސް ކޮމިޝަން (ޖޭއެސްސީ) ގައި ރައްޔިތުންގެ މަޖިލީހުގެ މެންބަރުންގެ ތެރެއިން ހޮވާ މެންބަރެއްގެ ގޮތުގައި ވެސް ރިޒާ ހިމެނިވަޑައިގެންނެވިއެވެ.
އަދި މެންބަރަކަށް ވަޑައިގަތުމުގެ ކުރިން ގާނޫނީ ވަކީލެއްގެ ގޮތުގައިވެސް މަސައްކަތް ކުރެއްވެވިއެވެ.
Advertisement
This content is created and paid for by advertisers and does not involve Voice Journalists
