ވަޒީފާއާއި ބެހޭ ޤާނޫނުގައި ބުނެފައިވާ މުއްދަތުގެ ތެރޭގައި މުވައްޒަފުންނަށް ރޯދަ އިނާޔަތް ދިނުމަށް ލޭބާރސް ރިލޭޝަން އޮތޯރިޓީއިން ހަނދާން ކޮށްދީފިއެވެ.

އެ އޮތޯރިޓީ އިން މިއަދު ވަނީ އެކަމާއި ގުޅޭ އިއުލާނެއް ނެރެފައެވެ.

އެއިއުލާނުގައި ބުނެފައިވަނީ ވަޒީފާއާއި ބެހޭ ޤާނޫނުގެ ދަށުން ވަޒީފާއަދާކުރާ ކޮންމެ ދިވެއްސަކަށް ރޯދަ އިނާޔަތް ދޭން ޖެހޭނެ ކަމަށްބުނެފައި ވީނަމަވެސް ވަރަށް ގިނަ ފަރާތްތަކަކުން އެގޮތަށް ޢަމަލުނުކުރާ ކަން ފާހަގަ ކުރެވިފައިވާކަމަށެވެ. އަދި މިކަމުގެ ޝަކުވާ އެއޮތޯރިޓީއަށް ލިބިފައިވާކަމަށްވެސް އެއޮތޯރޮޓީއިން ބުނެފައިވެއެވެ.

Advertisement

ހަމަ މިޔާއި އެކު ޢިނާޔަތް ދިން ނަމަވެސް ޤާނޫނުގައި ބުނާވަރަށް އެއިނާޔަތް މުވައްޒަފުންނަށް ނުދޭ ކަމަށްވެސް އެއިއުލާނުގައި ވެއެވެ.

ވަޒީފާ އަދާ ކުރާ ކޮންމެ ދިވެއްސަކަށް 3000 ރުފިޔާގެ އިނާޔަތެއް ރޯދަ އިނާޔަތުގެ ގޮތުގައި ދިނުމަށް ޤާނޫނޫގައި ބުނެފައިވެއެވެ.

މިހިނގާ 1444 ވަނަ އަހަރުގެ ރަމަޟާން މަސް ފެށޭނެ ކަމަށް ކަލަންޑަރުގައި ބުނަނީ މި މާރޗް މަހުގެ 23 ވަނަ ދުވަހެވެ. ކޮންމެ އަހަރެއްގެ ރޯދަ އާއިގުޅިގެންވެސް ރޯދަ އިނާޔަތް ނުދޭ ކަމުގެ ޝަކުވާތައް އާދެއެވެ.