ފެބްއަރީ 6 ވަނަ ދުވަހު ތުރްކިޔޭ އަށް އައި ބިންހެންތަކާއި ގުޅިގެން އާއިލާތައް ގެއްލުނު ކުދިންނަށް "ފޯސްޓަރ ފެމިލީ" ހޯދުމަށް ތުރްކިޔޭ ސަރުކާރުން ހުޅުވާލި ޕްރޮގްރާމްގައި ބައިވެރިވުމަށް ޝައުޤުވެރިކަން ފާޅުކުރާ ފަރާތްތައް ގިނަވެއްޖެއެވެ.

2 މިލިއަނެއްހާ މީހުންގެ ގެދޮރު ގެއްލުނު ބިންހެލުންތަކުގެ ސަބަބުން، މައިންބަފައިން ގެއްލި ޔަތީމުވިކުދިން ނަށް އާއިލީ ލޯބި ހޯދައިދިނުމަސް ތުރްކިޔޭ ސަރުކާރުން ހުޅުވާލި ފުރުސަތައް އެންމެ ބޮޑަށް ޝައުޤުވެރިކަން ފާޅުކޮށްފައިވަނީ ކިރިކްލަރެލީ އަދި ސިރިތް ޕްރޮވިންސުންނެވެ.

ތުރްކިޔޭގެ މިނިސްޓްރީ އޮފް ފެމިލީ އެންޑް ސޯޝަލް ސާވިސަސް އިން ބުނެފައިވަނީ ބިންހެލުމުގައި ސަލާމަތްވި އާއިލާތައް ގެއްލުނު ކުދިން ތިބީ ރައްކާތެރިކަމާއި އެކު މިނިސްޓްރީގެ ބެލުމުގެ ދަށުގައި ކަމަށެވެ. އެކުދިންގެ ހުރިހާ ބޭނުންތަކެއް އަންނަނީ ފުއްދައި ދެމުން ކަމަށާއި އެކުދިންނަށް ބޭނުވާ އޯގާތެރިކަން އެކުދިންނަށް ދެވެމުންދާކަމަށެވެ.

Advertisement

ކިރިކްލަރެލީ ޕްރޮވިންސުން 896 މީހަކު "ފޯސްޓަރ ފެމިލީ" ޕްރޮގްރާމްގައި ނަންނޯޓު ކޮށްފައިވެއެވެ. އޭގެ އިތުރުން 152 މީހަކު ވަނީ ކުދިން އެޑޮޕްޓު ކުރަން އެދި ގެން ފޯމު ހުށައަޅައިފައި ކަމަށް ފެމިލީ އެންޑް ސޯޝަލް ސާވިސަސް އިން ބުނެފައިވެއެވެ.

"ފޯސްޓަރ ޕޭރެންޓުންނަށް ވުމަށް މި ފާއިތުވި އަހަރުތަކުގައި އެދި ފޯމް ހުށައަޅައިފައިވަނީ ވަރަށް މަދު ބައެއް، މިފާއިތުވި 20 ދުވަސް ތެރޭގައި 802 މީހުން ވަނީ ފޯމް ހުށައަޅައިފައިވޭ، ބިންހެލުންތަކާއި ގުޅިގެން މައިންބަފައިން ގެއްލުނު ކުދިންނަށްޓަކައި މިނަމްބަރުތައް މިވަނީ މައްޗަށް ޖެހިލައިފައި، އަހަރެމެން ޕްލޭން ކޮށްފިން ފޯސްޓަރ ޕޭރެންޓަކަށް ވާނެ ގޮތް ކިޔައިދޭނެ ސެމިނާއެއް ބާއްވަން، މިކަމުގައި ބައިވެރިވާން ބޭނުންވާ އެންމެއްނަށް ދައުވަތު ދެވޭނެ" މިނިސްޓްރީ އޮފް ފެމިލީ އެންޑް ސޯޝަލް ސާވިސަސްގެ ޕްރޮވިންޝަނަލް ޑިރެކްޓަރ އޮމަރް ފާރޫޤް އެރްގުން ބުނެފައިވެއެވެ.

ބިންހެލުން ތަކަށް ފަހ އެތައް ކުދިންނެއް ޔަތީމު ވެފައިވާއިރު ގާތްގަނޑަކަށް 19،000 އެއްހާ ކުދިން ވަނީ އާއިލާތަކާއި ހަވާލުކުރެވިފައެވެ.