މެލޭޝިޔާގައި ފެންބޮޑުވެ 26،000 އަށްވުރެ ގިނަ މީހުން ރައްކާތެރި ހިސާބުތަކަށް ގެންގޮއްސިއެވެ.

ފެންބޮޑުވެފައިވާ ސަރަހައްދުގައި ބޯޓު ތަކުގައި މީހުނަ ސަލާމަތް ކުރުމަށް މަސައްކަތްކުރާ ރެސްކިޔު ވޯކަރުން ވަނީ އިމާރާތްތަކުގެ މަތީގައި ފެންބޮޑުވުމުގެ ސަބަބުން ނުފޭތިބިފައި ތިބިމީހުން ބާލައި ރައްކާތެރި ހިސާބުތަކަށް ގެންގޮސްފައެވެ.

ފެންބޮޑުވުމުގެ ސަބަބުން އެކަކު ވަނީ މަރުވެސް ވެފައެވެ. އޭނާ މަރުވީ ފެންބޮޑުވެ ކާރުގެ ތެރޭގައި ތާށިވެ ކާރުން ނުނިކުމެވިގެނެވެ.

ފެންބޮޑުވުން ތަކުގެ ސަބަބުން އެންމް ބޮޑަށް އަސަރު ކޮށްފައިވަނީ

މެލޭޝިޔާގެ ދެކުނުން ސިންގަޕޫރާއި ކައިރީގައި އޮންނަ ޖޮހަރް ސްޓޭޓަށެވެ. އެސްޓޭޓުން 25000 މީހަކު ވަނީ ސްކޫލްތަކާއި ކޮމިޔުނިޓީ ހޯލްތަކުގައި ގާއިމް ކޮށްފައިވާ ރިލީފް ސެންޓާރުތަކަށް ބަދަލުކޮށްފައިވެއެވެ. މީގެ އިތުރުންވެސް 5 ސްޓޭޓަކަށް ވަނީ ފެންބޮޑުވުމުގެ ސަބަބުން ގެއްލުންތަކެއް ވެފައެވެ.

މެލޭޝިޔާއިން މިހާރު ތަޖުރިބާ ކުރަމުން ދާ ވިއްސާރަ އަކީ ނޮވެމްބަރ މަހު ފެށުނު ވިއްސާރައިގެ 6 ވަނަ އެޕިސޯޑް ކަމަށް މީޓްރޮލޮޖިކަލް ޑިޕާޓްމެންޓުން ބުނެފައިވެއެވެ. އަދި މޫސުމީ ވާރޭ އޭޕްރީލް މަހާއި ހަމައަށް ދެމިގެން ހިނގައިދާނެ ކަމަށް ވެސް އެ ޑިޕާޓްމެންޓުން ބުނެފައިވެއެވެ.

ފާއިތުވި ޑިސެމްބަރު މަހުވެސް 10،000 އަށް ވުރެ ގިނަ މީހުން ވަނީ ފެންބޮޑުވުން ތަކުގެ ސަބަބުން ރައްކާތެރި ސަރަހައްދުތަކަށް ބަދަލު ކޮށްފައިވެއެވެ.

މީޓްރޮލިޖިކަލް ޑިޕާޓްމެންޓުން ވަނީ ޖޮހަރް ޕްރޮވިންސްގެ އެހެން ސަރަހައްދު ތަކުގައި ވެސް ފެންބޮޑު ވެދާނެ ކަމަށް ބުނެފައެވެ.