މޯލްޑިވްސް ނެޝެނަލް އިންސްޓިޓިޔުޓް ފޯ ސްޕޯޓްސް އިން ޑިޕްލޮމާ އިން ސްޕޯޓްސް މެނޭޖްމަންޓް ކޯހެއް ހިންގުމަށް ނިންމައި އެކަން އިއްލާނު ކޮށްފިއެވެ.

މި ކޯސް ހިންގުމަށް ހަމަޖެހިފައިވަނީ އަންނަ އެޕްރީލް މަހުގެ 02 ވަނަ ދުވަހު މާލޭގައެވެ. މި ކޯހަކީ 1 އަހަރު ދުވަހުގެ މުއްދަތަށް ކުރިއަށްގެންދާ ކޯހެކެވެ. މިކޯހަކީ މޯލްޑިވްސް ކޮލިފިކޭޝަން އޮތޯރިޓީ އިން އެކްރެޑިޓް ކޮށްފައިވާ ކޯހެއް ކަމަށް އެއިންސްޓިޔުޓް އިން ބުނެފައިވެއެވެ. އަދި މި މިކޯހުގައި ސްޕޯޓްސް މެނޭޖްމަންޓާއި ގުޅުން ހުރި ދާއިރާތަކާއި ބެހޭގޮތުން ބައިވެރިންނަށް ކިޔަވާދެވޭނެ ކަމަށްވެސް ބުނެފައިވެއެވެ. 

މި ކޯހުގައި ބައިވެރިވުމުގެ ފުރުޞަތު މާރޗް 2 އަކުން ފެށިގެން މާރޗް މަހުގެ 19 ވަނަ ދުވަހުގެ ނިޔަލަށް ވަނީ ހުޅުވާލާފައެވެ.

މިކޯހުގައި ބައިވެރިވުމަށް ކަނޑައަޅާފައިވާ ޝަރުތު ތަކަކީ ޖީ.ސީ.އީ އޭލެވެލް އިމްތިޙާނުން 2 މާއްދާއިން ފާސްވެފައިވުން ނުވަތަ އެފެންވަރުގެ ފާހެއް އޮތުން ނުވަތަ މޯލްޑިވްސް ކޮލިފިކޭޝަން އޮތޯރިޓީގެ ސެޓްފިކެޓް ލެވެލް 4 ގެ ފާހެއް އޮތުން ނުވަތަ މި ޑިޕްލޮމާ ޕްރޮގްރާމަށް ފާސްކޮށްފައިވާ ލެވެލް 4 ގެ ފައުންޑޭޝަން ސްޓަޑީ ޕްރޮގްރާމެއް ހާސިލުކޮށްފައިވުން ނުވަތަ  ލެވެލް 4 ގެ ސަނަދެއް ފުރިހަމަކޮށްފައިއޮތުން (ގުޅުން ނެތް)، އަދި އެމް.ކިޔު.އޭ އިން ފާސްކޮށްފައިވާ 'ޔުނިވަރސިޓީ ޕްރިޕެރޭޝަން ޕްރޮގްރާމެއް' ކާމިޔާބުކަމާއެކު ފުރިހަމަކޮށްފައިއޮތުން ނުވަތަ އުމުރުން 20 އަހަރު ފުރިފައިވުމާއެކު ސެކަންޑަރީ ސްކޫލް (ގްރޭޑް 6 – 10 އަށް) ފުރިހަމަކޮށްފައިވުމާއި ކުޅިވަރާއި ގުޅުންހުރި ދާއިރާއަކުން 1 އަހަރު ދުވަހުގެ މަސައްކަތު ތަޖުރިބާ ލިބިފައިވުން ހިމެނެއެވެ.