މިރޭގެ ހަނދު ސީދާ ކަޢުބާ އާއި ދިމާއިން މަތިން ފެންނާނެ ކަމަށް ސަޢުދީޢަރަބިއްޔާގެ ފަލަކީ ޢިލްމުވެރިންގެ ސޮސައިޓީގެ ހެޑް މާޖިދް އަބޫ ޒަހްރާ ވިދާޅުވެއްޖެއެވެ.

މިއީ މިއަހަރު މިކަން ހިނގާނެ ފުރަތަމަ ފަހަރު ކަމަށްވެސް މާޖިދް ވަނީ ވިދާޅުވެފައެވެ.
މައްކާ ގަޑިން 10:43 ގައި މިކަން ހިނގާނެ ކަމަށް ލަފާ ކޮށްފައިވާއިރު ރާއްޖޭ ގަޑިން އޭރު ވާނީ 12:43 ކެވެ.
ކަޢުބާ އާއި ދިމާއިން 89.5 ޑިގްރީ މަތިން ހަނދު ފެންނައިރު ހަނދުގެ %93 ފެންނަން ހުންނާނެއެވެ. ހަނދުގެ އަލިކަން ވަރަށް ބޮޑަށް ފެންނާކަމަށް މާޖިދް އަބޫ ޒަހްރާ ވިދާޅުވިއެވެ. އޭރު ހަނދު ހުންނާނީ ކައުބަތުﷲ ގެފުޅާއި ދިމާލަށް ސީދާ މަތީގައި ހަނދު ހުންނާނީ ގެފުޅުން ފެށިގެން 405,368 ކިލޯމީޓަރު އުހުގައެވެ.

ކަޢުބާއާއި ދިމާއިން ސީދާވެފައި ހުންނަ ވަގުތު ދުނިޔޭގެ އެކި ހިސާބުތަކަށް ޤިބްލަ ހުންނަ ދިމާ ސާފުވާނެއެވެ. 2021 ވަނަ އަހަރު މިކަން ހިނގާފައިވަނީ ޖަނަވަރީ މަހުގެ 29 ގައެވެ. 2022 ވަނަ އަހަރު ޑިސެމްބަރު މަހުގެ ތެރޭގައިވެސް މިކަން ވަނީ ހިނގާފައެވެ.

Advertisement

ރާއްޖެއަށް މިރޭ ހަނދު އޮއްސޭނީ 3:55 ގައެވެ.