ޕާކިސްޠާނުގެ ފުލުހުން އެޤައުމުގެ ކުރީގެ ބޮޑުވަޒީރު ޢިމްރާން ޚާން ހައްޔަރުކުރުމަށް މަސައްކަތްކޮށްފިއެވެ.

ޕާކިސްޠާން ފުލުހުންގެ އޮފިސަރުންތަކެއް ޢިމްރާން ޚާން ހައްޔަރު ކުރުމަށް އޭނާ ދިރިއުޅޭ ގެއަށް ވަނީ ގޮސްފައެވެ. އޭނާ ހައްޔަރު ކުރާ ސަބަބެއް ކަމަށް ބުނެފައިވަނީ އޭނާއަށް ތުހުމަތުކުރެވޭ ނާޖާއިޒް ފައިދާގެ ގޮތުގައި ހަދިޔާ ތަކެއް ހާސިލްކުރި ކުރުމެވެ.

ފުލުހުން ޢިމްރާން ޚާން ހައްޔަރު ކުރުމަށް އޭނޭގެ ގެއަށް ދިޔަނަމަވެސް އޭނާ ހައްޔަރު ކުރެވިފައެއް ނުވެއެވެ. ޕާކިސްޠާނު ފުލުހުން ބުނެފައިވަނީ ޢިމްރާން ހައްޔަރު ނުކުރެވުނީ އޭނާ ގޭގައި ނޫޅޭތީ ކަމަށެވެ. ފުލުހުން އޭނާ ހައްޔަރުކޮށްފަނެތީ އެކަމުން ސަލާމަތްވުމަށް އޭނޭ މަސައްކަތް ކުރަމުންދާކަމަށް ވެސް ބުނެފައިވެއެވެ.

Advertisement

މިދިޔަ ބުރާސްފަތި ދުވަހު އިސްލާމްއާބާދުގެ ކޯޓުގައި ބޭއްވި ޝަރީޢަތުގެ މަޖިލީހުގައި ވަނީ ބެއިލް ނުކުރެވޭނެ ގޮތަށް ޢިމްރާން ޚާން ހައްޔަރުކުރުމަށް ހުކުމްކަނޑައަޅައިފައެވެ. އެއީ ޢިމްރާން އަށް ތުހުމަތުކުރެވޭ ބޭރުގެ ފަރާތްތަކުން ނަޖާއިޒް ގޮތުގައި ހަދިޔާ ހޯދައި އުސޫލުން ބޭރުން ވިޔަފާރިތަކެއް ކޮށްފައިވާ ކަމުގެ މައްސަލައިގެ އަޑު އެހުންތަކަށް ޢިމްރާން ހާޒިރުނުވުމުގެ ސަބަބުންނެވެ.

2022 ވަނަ އަހަރުގެ އޭޕްރީލް މަސް ތެރޭގައި ޢިމްރާން ޚާން ބޮޑުވަޒީރު ކަމުން ވަކިކޮށް ފައިވަނީ މި ތުހުމަތުތަކާއި އެކުއެވެ.

ޕާކިސްޠާންގެ ވެރިކަން ކުރާ އިސްލާމްއާބާދުން ޢިމްރާން ޚާން ހައްޔަރުކުރުމަށް ލާހޯރުގައި ހުންނަ އޭނާގެ ގެއަށް އައި ފުލުސް އޮފިސަރުން އައި ވަގުތު ޢިމްރާން ޚާން ލީޑް ކުރައްވާ ތަހްރީކޭ އެ އިންސާފް ޕާޓީގެ އެތައް ސަތޭކަ ބަޔަކު އެގޭދޮށަށް އެއްވެ ޢިމްރާން ހައްޔަރުކުރުމާއި ދެކޮޅަށް އަޑު އުފުލައިފައިވެއެވެ.

އިސްލާމްއާބާދް ޕޮލިސް އިންސްޕެކްޓަރ ޖެނެރަލް އަކްބަރް ނާސިރް ޚާން ބުނެފައިވަނީ އިސްލާމްއާބާދް ޕޮލިހުން ލާހޯރަށް ދިޔައީ އެރެސްޓް ވޮރެންޓް ހަވާލުކުރަން ނޫން ކަމަށާއި ސީދާ ޢިމްރާން ހައްޔަރުކުރުމަށް ކަމަށެވެ.